Maliyyə

Ana səhifə

Maliyyə

«UniBank» korporativ və VİP müştəriləri üçün yeni proqramına başlayıb

27 sentyabr 2008 12:59 (UTC +04:00)

Bakı. Elnur Hüseynquluyev – APA-Economics. Azərbaycanın «UniBank» Səhmdar Kommersiya Bankı (SKB) korporativ və VİP müştəriləri üçün nəzərdə tutulan yeni loyallıq proqramına start verib.
Bankın baş ofisindən «APA-Economics»ə verilən məlumata görə, proqramın üç əsas istiqaməti mövcuddur. Bura yeni müştərilərin cəlb edilməsi, artıq cəlb edilmiş müştərilərin loyallığının artırılması və bankın özünün rəqabət cəlbediciliyinin artırılması məqsədləri daxildir.
Qeyd edək ki, hazırda bank 6,2 minə yaxın hüquqi şəxsə, 15 mindən artıq korporativ müştəriyə xidmət edir. Bununla belə, bankın korporativ müştərilərinin sayı hər il 15-20% artır.
Xatırladaq ki, təsisçisi Avropa Yenidənqurma və İnkişaf Bankı (15,15%), Almaniyanın DEG İnvestisiya Korporasiyası (8,33%), hüquqi (0,9%) və fiziki şəxslər (75,62%) olan «UniBank» SKB 1992-ci ildən fəaliyyət göstərir. Cari ilin iyul ayının 1-nə bankın aktivlərinin həcmi 479,397 mln. manat, kredit portfeli 358,761 mln. manat, depozit portfeli 145,395 mln. manat, məcmu kapitalı 66,604 mln. manat, o cümlədən nizamnamə kapitalı 15 mln. manat olub. Hazırda bankın respublika üzrə 18 filialı, 52 bankomatı və 253 POS-terminalı fəaliyyət göstərir.