Maliyyə

Ana səhifə

Maliyyə

Azərbaycandakı sığorta şirkətlərinin daxilolmalar üzrə yanvar-sentyabr renkinqinə «Azərsığorta» başçılıq edir

20 oktyabr 2008 07:31 (UTC +04:00)

Bakı. Elnur Hüseynquluyev – APA-Economics. Azərbaycanda fəaliyyət göstərən sığorta şirkətləri tərəfindən 2008-ci ilin yanvar-sentyabr aylarında ümumilikdə 148,7 mln. manat həcmində sığorta haqqı toplanıb ki, bu da ötən ilin müvafiq dövrü ilə müqayisədə 45% çoxdur.
«APA-Economics»in Maliyyə Nazirliyinin məlumatları əsasında apardığı araşdırmaya görə, toplanmış sığorta haqlarının həcminə görə «Azərsığorta» Dövlət Sığorta Kommersiya Şirkəti liderlik edir. Belə ki, şirkətin bu ilin ilk 9 ayında topladığı sığorta haqlarının həcmi 16,11 mln. manat təşkil edib. Nəticədə, «Azərsığorta» şirkətinin ümumi sığorta daxilolmalarının strukturunda xüsusi çəkisi 10,8%-ə bərabər olub.
İlk üçlüyə həmçinin «MBASK» (15,72 mln. manat və ya 10,6%) və Beynəlxalq Sığorta Şirkəti (15,04 mln. manat və ya 10,1%) daxildir. Bu üç şirkətin sığorta daxilolmalarının ümumi həcmi məcmu sığorta haqlarının 31,5%-nə bərabərdir.
Qeyd edək ki, ölkədəki mövcud 28 sığorta təşkilatından 22-nin daxilolmaları 1 mln. manat səviyyəsindən artıq olub.
Şirkətlər sırasında ən az sığorta haqqı isə «Qala Sığorta» şirkəti toplayıb. Bu şirkətin daxilolmalarının həcmi 20 min manat (0,13%) təşkil edib. Xatırladaq ki, «Qala Sığorta» üçün müddətsiz lisenziya Maliyyə Nazirliyi tərəfindən 2008-ci ilin iyul ayının 31-də verilib.
Aşağıda «APA-Economics»in sığorta şirkətlərinin daxilolmaları üzrə tərtib etdiyi 9 aylıq renkinq göstərilir:

Sığorta təşkilatları		Sığorta haqları
1	Azərsığorta	16,11
2	MBASK	15,72
3	Beynəlxalq Sığorta Şirkəti	15,04
4	Atəşgah	13,97
5	Azalsığorta	13,09
6	Standard İnsurance	12,50
7	Bakı Sığorta	7,50
8	Xalq Sığorta	7,33
9	AzSığorta	7,19
10	Paşa Sığorta	6,56
11	Qarant Sığorta	5,75
12	A-Group	5,12
13	AtaSığorta	2,91
14	Star Alliance	2,73
15	Başak-İnam	2,72
16	Günay Anadolu	2,44
17	Kavkaz Sığorta	2,08
18	Azərbaycan Sənaye Sığorta	1,68
19	Era Trans	1,65
20	BE&G	1,61
21	AIG Caspian	1,26
22	Thames Insurances Group	1,11
23	Azərqarant	0,70
24	Alfa Sığorta	0,70
25	Əmrah Sığorta	0,38
26	Fidan Sığorta	0,33
27	Nişan Sığorta	0,05
28	Qala Sığorta	0,02
Lisenziyası ləğv olunmuş sığortaçılar
1	«Abşeron»	0,32
2	«Azər-Asiya»	0,11
	Y E K U N	148,70