Maliyyə

Ana səhifə

Maliyyə

Azərbaycandakı sığorta şirkətlərinin ödənişlər üzrə yanvar-sentyabr renkinqi

20 oktyabr 2008 07:46 (UTC +04:00)

Bakı. Elnur Hüseynquluyev – APA-Economics. Azərbaycanda fəaliyyət göstərən sığorta şirkətlərinin 2008-ci ilin yanvar-sentyabr aylarında həyata keçirdikləri sığorta ödənişlərinin məcmu həcmi 40,4 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 59,4% çoxdur.
«APA-Economics»in Maliyyə Nazirliyinin məlumatları əsasında apardığı araşdırmaya görə, sığorta ödənişlərinin həcminə görə «Azərsığorta» Dövlət Sığorta Kommersiya Şirkəti liderlik edir. Belə ki, dövlət şirkətinin bu ilin ilk 9 ayında həyata keçirdiyi ödənişlərin həcmi 9,29 mln. manata bərabər olub və bu, respublika üzrə məcmu sığorta ödənişlərinin 22,9%-ni təşkil edir.
İlk üçlüyə həmçinin «Paşa Sığorta» (4,98 mln. manat və ya 12,3%) və «MBASK» (4,50 mln. manat və ya 11,1%) sığorta şirkətləri daxildir. Qeyd edək ki, bu üçlük üzrə sığorta ödənişlərinin həcmi şirkətlər tərəfindən həyata keçirilən ümumi sığorta ödənişlərinin həcminin 46,5%-nə bərabərdir.
Həmçinin bildirilir ki, hesabat dövründə ölkədəki üç sığorta şirkəti («Nişan Sığorta» və «Qala Sığorta») heç bir ödəniş aparmayıb. Xatırladaq ki, «Qala Sığorta» üçün müddətsiz lisenziya Maliyyə Nazirliyi tərəfindən 2008-ci ilin iyul ayının 31-də verilib.
Şirkətlər sırasında ən az sığorta ödənişi isə «Qarant Sığorta» şirkəti tərəfindən həyata keçirilib. Bu şirkətin sığorta ödənişlərinin həcmi cəmi 10 min manat (0,2%) təşkil edib. Qeyd edək ki, bu, (10 min manat) «Qarant Sığorta» şirkətinin fəaliyyət göstərdiyi tarixdən (2007, noyabr) indiyədək həyata keçirdiyi ilk ödənişdir.
Aşağıda «APA-Economics»in sığorta şirkətlərinin həyata keçirdikləri ödənişlər üzrə tərtib etdiyi renkinq göstərilir:

	Sığorta təşkilatları	Sığorta ödənişləri
1	Azərsığorta	9,29
2	Paşa Sığorta	4,98
3	«MBASK»	4,50
4	Atəşgah»	3,17
5	Beynəlxalq Sığorta Şirkəti	3,10
6	A-Group»	2,84
7	Standard İnsurance»	2,78
8	AzSığorta»	1,35
9	Xalq Sığorta»	1,24
10	Başak-İnam»	1,12
11	Kavkaz Sığorta»	0,81
12	Era Trans»	0,80
13	BE&G»	0,65
14	Bakı Sığorta»	0,58
15	AtaSığorta»	0,45
16	Azərbaycan Sənaye Sığorta»	0,44
17	Azalsığorta»	0,44
18	Thames Insurance Group»	0,29
19	Star Alliance»	0,27
20	Alfa Sığorta»	0,22
21	AIG Caspian	0,16
22	Fidan Sığorta	0,12
23	Azərqarant	0,11
24	Günay Anadolu	0,10
25	Əmrah Sığorta	0,08
26	Qarant Sığorta	0,01
27	Nişan Sığorta	0,00
28	Qala Sığorta	0,00
Lisenziyası ləğv olunmuş sığortaçılar
1	Abşeron	0,05
2	Azər-Asiya	0,46
	Y E K U N	40,40