Maliyyə

Ana səhifə

Maliyyə

Azərbaycanın gələn ilki büdcəsində vergi orqanlarının payı 47%-i ötəcək

06 noyabr 2008 15:00 (UTC +04:00)

Bakı. Rəşad Süleymanov – APA-Economics. Azərbaycanın 2009-cu il dövlət büdcəsində Vergilər Nazirliyi üzrə 5 750 mln. manat və ya 2008-ci ilin təsdiq olunan göstəricilərinə nisbətən 6,9% çox daxilolmalar nəzərdə tutulur. «APA-Economics»in məlumatına görə, 2009-cu ildə neft sektoru üzrə vergi yığımlarının məbləğinin 2 680 mln. manat və ya 2008-ci ilə nisbətən 7,6% az, qeyri-neft sektoru üzrə 3 070 mln. manat və ya 23,8% çox olacağı proqnozlaşdırılır.
Vergilər Nazirliyi tərəfindən təmin ediləcək gəlirlərin dövlət büdcəsinin mədaxilində xüsusi çəkisi gələn il 47,2% təşkil edəcək.
Hüquqi şəxslərin mənfəət vergisi üzrə daxilolmalar büdcə gəlirlərinin 18,2%-ni təşkil etməklə 2 214 mln. manat nəzərdə tutulur ki, bu da 2008-ci ilə nisbətən 9,6% azdır. Bu azalmanın əsas səbəbi hasilatın pay bölgüsü sazişləri əsasında fəaliyyət göstərən şirkətlərin sazişə uyğun olaraq neft hasilatında payının azalması, Azərbaycan tərəfinin isə payının artmasıdır.
Fiziki şəxslərin gəlir vergisi büdcə gəlirlərinin 7,4%-ni təşkil etməklə, 900 mln. manat həcmində proqnozlaşdırılır ki, bu da 2008-ci ilə nisbətən 13,2% çoxdur. Proqnozun tərtibi zamanı növbəti ildə ölkədə orta aylıq əmək haqlarının artımları nəzərə alınıb. Vergi daxilolmalarında əlavə dəyər vergisi büdcə gəlirlərinin 18,9%-ni təşkil etməklə 2 295 mln. manat proqnozlaşdırılır ki, bu da cari ilə nisbətən 21,8% çoxdur. Bu vergi növü üzrə daxilolmaların 60,8%-nin vergi orqanları, 39,2%-nin gömrük orqanları tərəfindən təmin olunması nəzərdə tutulur. Gələn il ÜDM-nin və son istehlakın artım səviyyəsi, habelə bu sahədə aparılan islahatlar ƏDV üzrə proqnozun reallığına zəmin yaradır.
Aksizlər isə büdcə gəlirlərinin 4%-i həcmində, yəni 485 mln. manat nəzərdə tutulur. Bunun da 392 mln. manatı vergi orqanları, 93 mln. manatı gömrük orqanlarının xətti ilə təmin ediləcək. Bu vergi növü üzrə proqnozun 2008-ci ilə nisbətən 7,8% artımı gözlənilir.
Digər vergi və tədiyyələr üzrə proqnozlar isə aşağıdakı kimidir: hüquqi şəxslərin əmlak vergisi 135 mln. manat, hüquqi şəxslərin torpaq vergisi 35 mln. manat, yol vergisi 36,3 mln. manat, mədən vergisi 137 mln. manat, sadələşdirilmiş vergi 78 mln. manat, gömrük rüsumları 302,7 mln. manat, dövlət rüsumu 60 mln. manat, dövlət mülkiyyətində olan torpaqların icarəyə verilməsindən daxilolmalar 4 mln. manat