Qeyd edək ki, xarici öhdəliklərin cari ildə orta aylıq artımı 114,4 mln. manat təşkil etdiyi halda, sentyabrdakı artım 402,7 mln. manata bərabər olub. Ümumilikdə isə, kommersiya banklarının xarici öhdəlikləri tarixi maksimuma çatıb.
Bununla yanaşı bildirilir ki, kommersiya banklarının məcmu xarici aktivlərinin həcmi son bir ildə 80,8%, ilin əvvəlindən 2,9 dəfə, sentyabrda isə 28,7% artaraq oktyabrın 1-nə 1 458,1 mln. manata (təxminən 1,8 mlrd. dollar) çatıb. Bu göstərici üzrə də tarixi maksimum qeydə alınıb.
Bank sektoru üzrə digər mühüm göstərici olan xalis daxili aktivlərin həcmi isə 5 157,5 mln. manata çatıb ki, bu da ötən ilin oktyabrın 1-i ilə müqayisədə 63,3%, ilin əvvəlinə nisbətən 26,9%, sentyabrın 1-nə nisbətən isə 1% çoxdur.
Eyni zamanda, bankların məcmu depozitlərinin həcmi oktyabrın 1-nə 4 016,2 mln. manat təşkil edib. Son bir ildə bu göstərici 38,5%, ilin əvvəlindən 26,2% artıb, sentyabrda isə depozitlərin həcmi 1,7% azalıb.
Ümumilikdə, kommersiya banklarının analitik balansının əsas göstəricilərinin dinamikası aşağıdakı kimi olub:
Göründüyü kimi, bankların xarici maliyyə münasibətlərinin göstəriciləri son iki il ərzində kəskin artıb, o cümlədən xarici öhdəliklərin artması bankların xarici likvidliyini kəskin azaldıb. Analoji vəziyyət bankların daxili maliyyə münasibətlərində də müşahidə olunur. Lakin qeyd edilməlidir ki, xarici aktivlərin xarici öhdəliklərə nisbəti 73%, daxili aktivlərin (xalis) daxili depozitlərə nisbəti 78% təşkil edib. Yəni, şərti mütləq göstəricilər və artım göstəriciləri çox yüksək həddə çatsa da, likvidlik əmsalları qənaətbəxş səviyyədədir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
