Maliyyə

Ana səhifə

Maliyyə

«Parabank»ın müştəriləri bankomatlarda pulun nağdlaşdırılması üçün komission haqdan azad olunublar

20 noyabr 2008 08:50 (UTC +04:00)

Bakı. Nicat Mustafayev – APA-Economics. Azərbaycanın «Parabank» Açıq Səhmdar Cəmiyyəti müştərilərinə daha bir yenilik təqdim edib.
ASC-dən «APA-Economics»ə verilən məlumata görə, «Parabank»ın VISA kartlarını əldə etmiş müştərilərdən bankomatlarda nağdlaşdırma əməliyyatı apararkən xidmət haqqı tutulmayacaq.
Qeyd edək ki, bankın təklif etdiyi bütün müddətli əmanətlər üzrə faizlərin alınması üçün əmanətçilərə plastik kartlar pulsuz verilir. Əmanət faizləri müqavilədə nəzərdə tutulan dövrdə müştərinin plastik kartına köçürülür və beləliklə, müştəri faizləri banka getmədən, bankomatlar vasitəsilə nağdlaşdıra və ya aldığı mal və xidmətlərin dəyərini POS-terminallar vasitəsilə ödəyə bilər. Əmanətçilər üçün plastik kartların tətbiqi əmanət faizlərinin alınması prosedurasının sadələşdirilməsinə və müştərilər üçün vaxt itkisinin qarşısını almağa xidmət edir.
Xatırladaq ki, təsisçisi 23 fiziki şəxs olan «Parabank» ASC 1991-ci ildən fəaliyyət göstərir. Cari ilin oktyabr ayının 1-nə bankın aktivlərinin həcmi 62,1 mln. manat, kredit portfeli 39,2 mln. manat, depozit portfeli 33,3 mln. manat, məcmu kapitalı 11,7 mln. manat, o cümlədən nizamnamə kapitalı 9,394 mln. manat olub