Maliyyə

Ana səhifə

Maliyyə

Azərbaycan «AGBank»ı «Fitch Ratings» agentliyindən ilk reytinq alıb

26 noyabr 2008 11:47 (UTC +04:00)

Bakı. Vahab Rzayev – APA-Economics. «Fitch Ratings» beynəlxalq reytinq agentliyi Azərbaycanın «AGBank» Səhmdar Kommersiya Bankına (SKB) ilk dəfə reytinq verib. «APA-Economics»in agentliyin məlumatı əsasında verdiyi məlumata görə, bankın uzunmüddətli xarici valyutada emitentin defolt reytinqi «sabit» proqnozu ilə «B-», qısamüddətli xarici valyutada isə «B» səviyyəsində müəyyənləşdirilib.
Verilən reytinqlər bankın beynəlxalq standartlara görə kiçik miqyasını, kredit və depozit portfelinin yüksək konsentrasiyasını, likvidliyinin potensial zəifliyini, kiçik kapitallaşmanı, əməliyyat mühitinin məhdudluğunu nəzərə alır. Buna baxmayaraq, bankın səhmlərinin 17,5%-nə sahib olan Beynəlxalq Maliyyə Korporasiyası tərəfindən potensial fondlaşma da nəzərə alınıb.
Agentliyin hesablamalarına görə, bankın likvidliyinin qısamüddətli riski yüksəkdir. Cari ilin III rübünün sonuna bankın öhdəliklərinin 18%-i beynəlxalq kontragentlərin payına düşür. Belə ki, bu məbləğin yarısı bir beynəlxalq bankın depozitinə aiddir və bu öhdəliyin müddəti artıq 2009-cu ilin yanvarında bitir ki, bu da likvidliyin potensial təhlükəsini artırır. Eyni zamanda, Agentlik bankın müştəri fondlaşmasının sabitliyini və kredit portfelinin qısamüddətliyini xüsusi vurğulayır. «Fitch Ratings» hesab edir ki, 10 il müddətinə 15 mln. dollar məbləğində subordinasiya kreditinin ayrılması barədə Beynəlxalq Maliyyə Korporasiya ilə danışıqların uğurla başa çatması bankın likvidlik mövqeyini möhkəmlədə bilər.
«AGBank»ın birinci dərəcəli kapitalı və məcmu kapitalının yetərliliyi əmsalları 2008-ci ilin III rübün sonuna müvafiq olaraq 12,4% və 15,1% təşkil etdiyi halda, «Fitch»in hesabladığı requlyativ kapital əmsalı 14,3%-ə bərabərdir. Əməliyyat mühitin məhdudluğu, aktivlərin sürətlə artması, sərbəst kapitalın aşağı səviyyəsinı nəzərə almaqla, Agentlik bankın kapitallaşmasını kiçik hesab edir.
Son zamanlar bankın problemli kreditlərin xüsusi çəkisi azalıb, lakin bu azalma əsasən kredit portfelinin artıması hesabına baş verib. Lakin 2008-ci ilin III rübünün sonuna problemli kreditlərin xüsusi çəkisinin 3,1% təşkil etməsi də yüksək göstərici kimi qiymətləndirilir. Eyni zamanda qeyd olunur ki, noyabrın ortalarına bu kreditlərin bir hissəsi artıq ödənilib.
Qeyd edək ki, «AGBank» aktivlərinə görə Azərbaycanın 10 ən iri bankları sırasındadır, kredit portfelinə görə 9-cu, depozit portfelinə görə isə 7-ci yeri tutur. Agentliyin məlumatına görə, bankın əsas səhmdarları sırasında Çinqiz Əsədullayev (25,3%), Fərzulla Yusifov (22,4%), Beynəlxalq Maliyyə Korporasiyası (17,5%) və «Kazimir Partners» şirkəti (10%) daxildir.