Maliyyə

Ana səhifə

Maliyyə

«Bank of Baku» SKB «Visa» sisteminin prinsipial üzvü olub

02 dekabr 2008 15:07 (UTC +04:00)

Bakı. Elnur Hüseynquluyev – APA-Economics. Azərbaycanın «Bank of Baku» Səhmdar kommersiya Bankı (SKB) «Visa İnternational» beynəlxalq ödəniş sisteminin prinsipial üzvü olub.
Bankın baş ofisindən «APA-Economics»ə verilən məlumat görə, bank həmçinin «VISA Electron», «VISA Classic», «VISA Gold» kartlarının emissiyası və bu növ kartlarla xidməti həyata keçirmək üçün də lisenziya alıb. Bununla bağlı bank «Visa» kartları ilə məhsul çeşidini genişləndirərək iki yeni servis - «PIN-change» və «SMS Banking» xidmətlərini də istifadəyə verib.
Qeyd edək ki, indiyədək bank tərəfindən 17 min «Visa» plastik kartı emissiya edilib. Bundan başqa, bank 2006-cı ildən «MasterCard International» beynəlxalq ödəniş sisteminin prinsipial üzvüdür.
Xatırladaq ki, «Bank of Baku» 1994-cü il fevralında «Tuqay Bank» adı ilə fəaliyyətə başlayıb, təsisçi rolunda isə Türkiyənin «NAB Dış Ticarət» şirkəti və bir neçə fiziki şəxs çıxış edir. Cari ilin oktyabr ayının 1-nə bankın aktivlərinin həcmi 185,149 mln. manat, kredit portfeli 153,773 mln. manat, depozit portfeli 145,616 mln. manat, məcmu kapitalı 25,521 mln. manat, o cümlədən nizamnamə kapitalı 6,8 mln. manat təşkil edib. Bankın respublika üzrə 15 filialı, 2 şöbəsi, 23 bankomatı və 226 POS-terminalı fəaliyyət göstərir.