Maliyyə

Ana səhifə

Maliyyə

Azərbaycan veksel bazarı ötən il iki dəfədən çox artıb

04 fevral 2009 12:15 (UTC +04:00)

Bakı. Vüqar İsrafilov – APA-Economics. Azərbaycanda veksel bazarının həcmi 2008-ci ildə 62,75 mln. manat təşkil edib. Nəticədə, borc bazarının veksel seqmenti son bir ildə 107,1% artıb. Bu barədə «APA-Economics»ə Qiymətli Kağızlar üzrə Dövlət Komitəsindən (QKDK) məlumat verilib.
QKDK-nın hesabatına əsasən, ötən il ərzində 509 veksel buraxılıb və onlardan 7-si xüsusi xəzinə vekseli kimi qeydə alınıb. Bu növ veksellərin həcmi 2,9 mln. manata yaxın olub. Buraxılan veksellərin sayı 2007-ci ilin analoji göstəricisini 5 dəfə üstələyib:

Veksel bazarının göstəriciləri	2008-ci il		2007-ci il
Veksel bazarının göstəriciləri	Say	Həcm	Say	Həcm
Buraxılıb (cəmi):	509	62,75.	102	30.3
Sadə veksel	502	59,87	102	30.3
Xəzinə vekseli	7	2,9	-	-
Veksel xitam edilib	297	42	13	3.5
Veksel protest edilib	1	0,087	1	0,151

Eyni zamanda, hesabat dövründə QKDK tərəfindən həcmi 42 mln. manat olan 297 vekselə xitam verilib, bu da 2007-ci ilin müvafiq göstəricisindən 12 dəfə çoxdur.
Xatırladaq ki, 2007-ci ildə ümumilikdə 30 mln. manat həcmində sadə veksel buraxılıb və bu həcm 2006-cı ilin müvafiq göstəricisi ilə müqayisədə 57% artıb.