Maliyyə

Ana səhifə

Maliyyə

«Azərbaycan Sənaye Bankı» ötən il kredit portfelini 2,5 dəfə artırıb

05 fevral 2009 08:50 (UTC +04:00)

Bakı. Elnur Hüseynquluyev - APA-Economics. «Azərbaycan Sənaye Bankı» Səhmdar Kommersiya Bankının (SKB) aktivlərinin həcmi 2009-cu ilin yanvar ayının 1-nə 78,029 mln. manat təşkil edib ki, bu da ötən ilin əvvəlinə olan analoji göstəricidən 3,8% azdır.
Bankın baş ofisindən «APA-Economics»ə verilən məlumata görə, hesabat dövründə bankın depozit portfeli 36,5% azalaraq 32,560 mln. manat, kredit portfeli 2,5 dəfə artaraq 36,101 mln. manat, o cümlədən istehlak kreditlərinin həcmi 2 dəfə artaraq 9,631 mln. manat olub. Həmçinin, bankın məcmu kapitalı 41% artaraq 16,142 mln. manat, o cümlədən nizamnamə kapitalı sabit qalaraq 12,8 mln. manat təşkil edib.
Qeyd edək ki, ötən il bankın gəlirləri 2 dəfə artaraq 10,544 mln. manata, xərcləri isə 2,8 dəfə artaraq 8,554 mln. manata çatıb. Nəticədə, bankın mənfəəti 7,8% azalaraq 1,990 mln. manat olub.
Xatırladaq ki, bu müddət ərzində bankın ümumi vergi ödənişlərinin həcmi 2,7 dəfə artaraq 1,177 mln. manat, PR və marketinq xərcləri 6,6 dəfə artaraq 405 min manat, yatırılan sərmayələrin həcmi isə sabit qalaraq 2,806 mln. manat olub.
Ötən il bank tərəfindən əlavə 5 filial açılıb, 8 bankomat və 89 POS-terminal quraşdırılıb. Həmçinin, il ərzində bankın işçilərinin sayı 2,3 dəfə artaraq 144 nəfərə çatıb.
«Azərbaycan Sənaye Bankı» 1996-cı ildə «CIBank» ASC kimi fəaliyyətə başlayıb və 2006-cı ilin sonunda brendini dəyişib. Hazırda bankın respublika üzrə 7 filialı, 19 bankomatı və 187 POS-terminalı fəaliyyət göstərir.