Maliyyə

Ana səhifə

Maliyyə

Azərbaycan ÜDM-in artım tempinə görə MDB-də liderdir

06 fevral 2009 06:38 (UTC +04:00)

MDB-nin Statistika Komitəsindən «APA-Economics»ə verilən məlumata əsasən, Komitəyə müvafiq hesabatlarını təqdim edən 11 ölkə arasında (Türkmənistan istisna olmaqla) ikinci yerdə Belarus, üçüncü yerdə isə Özbəkistan qərarlaşıb:

Ölkə	ÜDM-in artım tempi
Azərbaycan	10,8%
Belarus	10,0%
Özbəkistan	9,4%
Tacikistan	7,9%
Qırğızıstan	7,6%
Moldova	7,6% *
Ermənistan	6,8%
Rusiya	5,6%
Gürcüstan	4,0% *
Qazaxıstan	2,4%
Ukrayna	2,1%

* 2008-ci ilin yanvar-sentyabr ayları üzrə göstəricilər

MDB-nin Statistika Komitəsinin hesablamalarına əsasən, Birliyin bir sıra ölkəsi, o cümlədən dünya iqtisadiyyatına daha yüksək dərəcədə inteqrasiya olunan Rusiya, Ukrayna və Qazaxıstanın iqtisadiyyatı dünya maliyyə və iqtisadi böhranın təsirini hiss edib. Həmin ölkələrdə iqtisadi artım tempinin kəskin azalması maliyyə sahələrində yaranan problemlər nəticəsində baş verib. Bu problemlər arasınd Statistika Komitəsi likvidliyin və kredit resurslarının çatışmazlığı, vaxtı keçmiş borcların artması, əmanətlərin geri çağırılması kimi mühüm amilləri qeyd edir. Bundan əlavə, ilin ikinci yarısında neftin və digər xammalların ucuzlaşması da bir sıra ölkənin iqtisadi vəziyyətinə mənfi təsir göstərib.