Maliyyə

Ana səhifə

Maliyyə

«UniBank» ötən il fiziki şəxslərdən 71 mln. manat həcmində müddətli depozit cəlb edib

10 fevral 2009 10:13 (UTC +04:00)

Bakı. Elnur Hüseynquluyev – APA-Economics. Azərbaycanın «UniBank» Səhmdar Kommersiya Bankı (SKB) 2008-ci il ərzində fiziki şəxslərdən 71 mln. manat həcmində müddətli depozitlər cəlb edib.
Bankın baş ofisindən «APA-Economics»ə verilən məlumata görə, ötən il ərzində müddətli depozitlərin üç növü («Müddətli», «Proqressiv» və «Yığım») üzrə əhalidən 70,974 mln. manat həcmində əmanət toplanılıb. Ən çox depozit ötən il bank tərəfindən keçirilən «Brilyant depozit» və «Yay mənfəəti» aksiyası çərçivəsində yığılıb. Təkcə «Brilyant depozit» aksiyası çərçivəsində əhalidən 54,186 mln. manat məbləğində əmanət cəlb olunub.
Xatırladaq ki, təsisçisi Avropa Yenidənqurma və İnkişaf Bankı (15,15%), Almaniyanın DEG İnvestisiya Korporasiyası (8,33%), hüquqi (0,9%) və fiziki şəxslər (75,62%) olan «UniBank» SKB 1992-ci ildən fəaliyyət göstərir. Cari ilin yanvar ayının 1-nə bankın aktivlərinin həcmi 417,563 mln. manat, kredit portfeli 319,247 mln. manat, depozit portfeli 123,671 mln. manat, məcmu kapitalı 64,064 mln. manat, o cümlədən nizamnamə kapitalı 15 mln. manat olub. Bankın respublika üzrə 22 filialı, 22 mübadilə məntəqəsi, 57 bankomatı və 231 POS-terminalı var.