Maliyyə

Ana səhifə

Maliyyə

Azərbaycan bank sistemində faktorinq və zəmanətlər üzrə borcalmalar heçə enib

11 fevral 2009 06:55 (UTC +04:00)

Bakı. Vüqar İsrafilov – APA-Economics. Azərbaycanda fəaliyyət göstərən bank təşkilatları tərəfindən 2008-ci il ərzində aparılan kredit əməliyyatlarının strukturunda akkreditivlər, faktorinq və zəmanətlər üzrə borcalmalar 44,15 mln. manat təşkil edib. Bu isə 2008-ci ilin əvvəlinə olan analoji göstərici ilə müqayisədə 2% azdır. Bu barədə «APA-Economics»ə Azərbaycan Milli Bankından (AMB) məlumat verilib.
AMB-dən bildirilib ki, cari ilin əvvəlinə banklar tərəfindən zəmanətlər üzrə ayrılan kreditlər yox səviyyəsinə enib. Halbuki 2008-ci ilin əvvəlində bu göstərici 17,37 mln. manata bərabər olub. Eyni zamanda, faktorinq üzrə kredit əməliyyatlarının həcmi il ərzində 9,71 mln. manatdan 52 min manata düşüb. Yalnız akkreditivlər üzrə bank kredit fəaliyyəti hesabat dövründə müsbət trendə malik olub və 3,4 dəfə artaraq 43,63 mln. manata çatıb. Beləliklə, bank likvidliyinin qismən enməsi faktorinq və zəmanətlər üzrə borc ayırmalarının 52 dəfə enməsinə səbəb olub.
Xatırladaq ki, bankların 2009-cu ilin əvvəlinə olan məcmu kredit portfeli AMB tərəfindən 7 163,2 mln. manat səviyyəsində açıqlanıb. Ötən il ərzində bank kreditlərinin həcmi 2 481,4 mln. manat və ya 53% artıb.