DSK-nın məlumatına görə, britaniyalı rezidentlərin Azərbaycanda əsas kapitala yönəltdiyi investisiyanın həcmi 1,27 mlrd. ABŞ dollarına yaxın və yaxud manat ekvivalentində 1 020,6 mln. təşkil edib. Əvvəlki ilin analoji göstəriciləri ilə müqayisədə Britaniya investorlarının sərmayə yatırımı 202 mln. manat və ya 16,5% azalıb. Buna baxmayaraq, bu investisiyaların ümumi kapital qoyuluşunun həcmindəki xüsusi çəkisi 43%-dən 45,9%-ə yüksəlib.
Böyük Britaniya ilə yanaşı Azərbaycan iqtisadiyyatının əsas xarici investorlarının ilk beşliyinə ABŞ, Yaponiya, Türkiyə və Norveç rezidentlərini aid etmək olar. Bu dörd ölkəni təmsil edən investorların kapital qoyuluşu ümumi hesabda 941,252 mln. manata yaxındır, onların xüsusi çəkisi isə 42,3%-ə bərabərdir:
Ölkələrin və beynəlxalq təşkilatların adı | 2008-ci ildə, mln. manat | Əvvəlki ilə nisbətən, %-lə | Ümumi həcmdə xüsusi çəkisi, %-lə |
Cəmi | 2 224,708 | 83,7 | 100,0 |
o cümlədən: |
| ||
Böyük Britaniya | 1 020,593 | 87,8 | 45,9 |
ABŞ | 433,420 | 70,5 | 19,5 |
Yaponiya | 221,716 | 68,6 | 10,0 |
Türkiyə | 147,349 | 92,5 | 6,6 |
Norveç | 138,767 | 68,5 | 6,2 |
Cənubi Koreya | 38,477 | - | 1,7 |
Çexiya | 31,438 | 141,8 | 1,4 |
Almaniya | 30,099 | 3,0 dəfə | 1,4 |
Fransa | 25,589 | 2,1 dəfə. | 1,2 |
Xatırladaq ki, 2008-ci ildə Azərbaycanın iqtisadi və sosial sahələrinin inkişafına bütün maliyyə mənbələrindən əsas kapitala 9 073,6 mln. manat həcmində və ya əvvəlki ilin müvafiq dövrünün səviyyəsindən 34,3% çox investisiya yönəldilib. Xarici mənbələrdən əsas kapitala yönəldilmiş xarici investisiyanın həcmi isə 2 224,7 milyon manat təşkil edərək, əvvəlki ilin müvafiq dövründəkindən 16,3% az olub.
Maraqlıdır ki, DSK-nın məlumatlarına görə, əsas kapitala yönəldilən ümumi investisiyanın 69,1%-i iqtisadiyyatın qeyri-neft sahələrinə sərf olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
