Maliyyə

Maliyyə

Azərbaycandakı bank kredit təşkilatlarının aktivlər üzrə renkinqi

18 fevral 2009 08:35 (UTC +04:00)

Bakı. Elnur Hüseynquluyev – APA-Economics. Bu gündən etibarən «APA-Economics» Azərbaycanda fəaliyyət göstərən bank təşkilatlarının 2009-cu ilin yanvar ayının 1-nə müxtəlif maliyyə göstəriciləri üzrə hazırladığı renkinqlərin açıqlanmasına başlayır.
Layihənin əsas məqsədi ölkə banklarının işgüzar fəaliyyəti və onun maliyyə-təsərrüfat nəticələri haqqında ictimaiyyətin və potensial sərmayədarların məlumatlandırılmasıdır.
Layihənin ilk komponenti bankların aktivlərinin həcmi üzrə renkinqdir. Aşağıda göstərilən cədvəldə banklar 2009-cu il yanvar ayının 1-nə olan aktivlərinin həcminə görə sıralanıb:

(mln. AZN)

Banklar		Aktivlər
1	Azərbaycan Beynəlxalq Bankı	4 369, 751
2	Bank Standard	619,085
3	Kapital Bank	577,590
4	Texnikabank	450,100
5	UniBank	417,563
6	Xalg Bank	403,710
7	Bank Respublika	387,875
8	Nikoil Bank	294,700
9	Azerdemiryolbank	224,698
10	AGBank	211,216
11	AccessBank	198,863
12	Paşa Bank	198,254
13	Bank of Baku	183,886
14	YapıKredi Bank Azerbaijan	173,628
15	AtaBank	152,844
16	Zamin Bank	135,577
17	Bank of Azerbaijan	108,756
18	Royal Bank	101,926
19	Muğan Bank	100,747
20	Rabitabank	94,425
21	Turan Bank	84,211
22	Azərbaycan Sənaye Bankı	78,029
23	Para Bank	65,552
24	Əmrahbank	62,396
25	Azər-Türk Bank	45,783
26	Bank Avrasiya	45,171
27	Birlik Bank	40,637
28	NBCBank	39,832
29	Kredo Bank	37,074
30	Atrabank	35,181
31	United Credit Bank	32,351
32	Qafqaz İnkişaf Bankı	32,338
33	Debut Bank	31,505
34	Gəncəbank	30,916
35	Deka Bank	27,359
36	Günay Bank	27,162
37	Azərbaycan Kredit Bankı	26,908
38	Melli İran Bankı Bakı	19,805
39	Kövsər Bank	17,245

Cədvəldən göründüyü kimi, hazırda Azərbaycanda faktiki olaraq 46 bank kredit təşkilatı fəaliyyət göstərsə də, «APA-Economics»in renkinqində yalnız 39 bankın aktivləri əks olunub. Bu, digər bankların, xüsusən də «Azərnəqliyyatbank» və «Silkway Bank»ın KİV-lə əməkdaşlıqdan imtina etməsi, maliyyə göstəricilərini vaxtında təqdim etməməsi və digər subyektiv səbəblərlə bağlıdır.
Aktivlərin həcminə görə sıralanan renkinqdə, gözlənildiyi kimi, ilk yeri ölkə və regionun ən iri kredit təşkilatı olan Azərbaycan Beynəlxalq Bankı (ABB) tutub. Əsasən dövlət mülkiyyətində (50,2%) olan bankın aktivlərinin durmadan artması kredit fəalliyyətinin dayandırılmaması, filial şəbəkəsinin geniş olması, dövlət qurumlarına xidmət göstərməsi və digər obyektiv səbəblərlə bağlıdır.
Bu gün Azərbaycanda yalnız ABB-nin aktivlərinin həcmi milyard manatla (təqribən 5,452 mlrd. ABŞ dolları) ölçülür və bütünlükdə bank sisteminin məcmu aktivlərinin 43%-ni təşkil edir. İlk onluqda yer tutan banklarıın aktivləri isə ümumi hesabda 7,96 mlrd. manata çatıb və məcmu həcmin 77,5%-nə bərabərdir.
Maraqlıdır ki, renkinqdə ilk onluq dəyişməz qalib, yalnız bir neçə yerdəyişmə baş verib. Belə ki, «Kapital Bank» ötən il ərzində iki pillə yüksələrək 3-cü yerdə, «Xalq Bank» isə bir pillə yüksələrək 6-cı yerdə qərarlaşıb.
Cədvəldən göründüyü kimi, yalnız 10 bankın aktivlərinin həcmi 200 mln. manat (01.01.2009-cu il vəziyyətinə - 249,532 mln. ABŞ dolları), 19 bankın aktivləri - 100 mln. manat (124,766 mln. ABŞ dolları), daha 5 bankın aktivlərinin həcmi isə 50 mln. manat (62,383 mln. ABŞ dolları) həddini üstələyib.