Maliyyə

Maliyyə

«Əmrahbank» Bakıda yeni filial açıb

10 mart 2009 09:21 (UTC +04:00)

Bakı. Elnur Hüseynquluyev – APA-Economics. Azərbaycanın «Əmrahbank» Səhmdar Kommersiya Bankı (SKB) Bakı şəhərində yeni filialını açıb.
Bankın İdarə Heyətinin sədri Mahmud Ağamalıyevin «APA-Economics»ə verdiyi məlumata görə, bankın sayca 23-cü olan bu filialı paytaxtın Zivər Əhmədbəyova küçəsində («Caspian Plaza» biznes mərkəzinin yaxınlığında) yerləşir.
M.Ağamalıyevin sözlərinə görə, yeni filialda müştərilər bütün bank xidmətləri, o cümlədən hesablaşma kassa-hesabı, cari hesabların açılması, depozitlərin qəbulu, biznes və istehlak kreditlərinin verilməsi, valyuta mübadiləsi və təcili beynəlxalq pulköçürmə əməliyyatlarını həyata keçirə bilərlər.
Xatırladaq ki, təsisçisi 5 yerli fiziki şəxs olan «Əmrahbank» ASC 1993-cü ildən fəaliyyət göstərir. Cari ilin yanvar ayının 1-nə bankın aktivlərinin həcmi 62,396 mln. manat, depozit portfeli 32,688 mln. manat, kredit portfeli 39,583 mln. manat, məcmu kapitalı 21,775 mln. manat, o cümlədən nizamnamə kapitalı 12,821 mln. manat təşkil edib. Hazırda bankın respublika üzrə 22 filialı, 2 mübadilə məntəqəsi, 12 bankomatı və 34 POS-terminalı fəaliyyət göstərir.