Maliyyə

Maliyyə

Azərbaycan əhalisi yanvarda nağd dollar alışını 67% artırıb

11 mart 2009 11:44 (UTC +04:00)

Bakı. Vahab Rzayev – APA-Economics. Azərbaycanın nağd valyuta bazarında bankların ABŞ dolları ilə apardığı mübadilə əməliyyatlarının həcmi 624 855 800 dollara bərabər olub ki, bunun 79,6%-ni satış, 20,4%-ni isə alış əməliyyatları təşkil edib. Azərbaycan Milli Bankından «APA-Economics»ə verilən məlumata əsasən, nağd dollarla aparılan əməliyyaların ümumi həcmi ötən ilin yanvarı ilə müqayisədə 51,3%, o cümlədən satış 66,8%, alış isə 12,3% artıb. Beə ki, bu ilin yanvarında əhali ötən ilin ilk ayı ilə müqayisədə banklardan təxminən 67% çox nağd dollar alıb. Eyni zamanda, nağd dollar alışı əhalinin dollar satışını 3,9 dəfə üstələyir ki, həmin tendensiya Azərbaycanda artıq daimi xarakter alıb.
Müqayisə üçün bildirək ki, əhali tərəfindən banklardan nağd dolların alışı satışı üstələməsi ötən il 3,4 dəfə, 2007-ci ildə 2,4 dəfə təşkil edib:

*Əməliyyatların istiqaməti bank mövqeyindən göstərilib

Azərbaycanın nağd dollar bazarında bu cür nisbətlər əhalinin daxili valyuta bazarında iştirakını birmənalı əks etdirərək, müəyyən amilləri aşkarlayır. Belə ki, əhali tərəfindən nağd dolların alışı bir neçə məqsədlə aparılır. Bunların arasında əsasən pərakəndə xarici ticarət, xarici ölkələrdə şəxsi və işgüzar xərclərin təmin edilməsi, ölkə daxilində bir sıra malların dollarla ödənilməsi və, nəhayət, yığım məqsədlərini göstərmək olar. Bu baxımdan nağd dollar alışının artıması ABŞ valyutasına olan tələbatın yüksək olmasını və onun daim artdığını göstərir.