Maliyyə

Maliyyə

Azərbaycan hökuməti ötən il 16 saziş üzrə 1,92 mlrd. dollar cəlb edib

13 mart 2009 07:45 (UTC +04:00)

Bakı. Nicat Mustafayev – APA-Economics. Azərbaycan müxtəlif layihələrin maliyyələşdirilməsi məqsədilə 2008-ci il ərzində 1,92 mlrd. ABŞ dolları məbləğində 14 kredit və 2 maliyyə əməkdaşlığı sazişi imzalanıb. «APA-Economics»in məlumatına görə, bu barədə Nazirlər Kabinetinin 2008-ci ilin yekunlarına dair hazırladığı hesabatında bildirilir.
Hesabata əsasən, ümumiyyətlə Azərbaycan tərəfindən 2009-cu ilin yanvar ayının 1-dək 6,57 mlrd. dollar məbləğində 126 kredit sazişi imzalanıb. Bundan 2,54 mlrd. dollar dəyərində 59 layihənin həyata keçirilməsi başa çatıb, digərləri isə hazırda icra olunur.
Bundan başqa, hesabatda 2003-2008-ci illərdə dövlət zəmanəti ilə alınan kreditlərin, eləcə də texniki yardım və qrantların ümumi məbləğinin dinamikası da göstərilib. Belə ki, əgər 2003-cü ildə cəmi 7 kredit sazişi imzalanıbsa və bu sazişlər əsasında ayrılan kreditlərin məbləği 128,5 mln. dollara bərabər idisə, 2004-cü ildə 7 saziş üzrə 123,7 mln. dollar, 2005-ci ildə 22 saziş üzrə 1 293,3 mln. dollar, 2006-cı ildə 14 saziş üzrə 617,8 mln. dollar, 2007-ci ildə 8 saziş üzrə 767,7 mln. dollar, 2008-ci ildə isə 16 saziş üzrə 1 923,95 mln. dollar alınıb.

2008-ci ildə müxtəlif beynəlxalq maliyyə-kredit təşkilatları tərəfindən ayrılan kreditlərin sayı və həcmi:

Təşkilatın adı	Kreditin sayı	2008-ci ildə ayrılan məbləğin həcmi (mln. ABŞ dolları)
Dünya Bankı	6	637,7
Societe Generale, Credit Suisse və Bayerische Landesbank konsorsiumu	1	423
Asiya İnkişaf Bankı	3	415
BNP Paribas	1	320
ABN AMRO bankının Çikaqo filialı	1	74,5
Fransa hökuməti	1	21
IFAD	1	17,25
Almaniya hökuməti	1	15,5