Maliyyə

Maliyyə

Azərbaycanın 2008-ci il icmal büdcəsinin profisiti 7,2 mlrd. manat təşkil edib

13 mart 2009 08:48 (UTC +04:00)

Bakı. Vahab Rzayev – APA-Economics. Azərbaycanın 2008-ci il icmal büdcəsinin gəlirləri 19 433 mln. manat təşkil edib ki, bu da əvvəlki illə müqayisədə 2,4 dəfə, proqnozdan isə 11,3% çoxdur. «APA-Economics»in məlumatına görə, bu barədə Nazirlər Kabinetinin 2008-ci ildə fəaliyyəti haqqında hesabatında deyilir.
Hesabata əsasən, icmal büdcəsinin xərcləri 12 283,9 mln. manat təşkil edib ki, bu da əvvəlki illə müqayisədə 66,2% çoxdur, proqnozdan isə 3,8% azdır. Beləliklə, 2008-ci ilin icmal büdcəsinin faktiki profisiti proqnozlaşdırılmış göstəricidən 52,4% artıq olmaqla 7 149,1 mln. manata bərabər olub.
Qeyd edək ki, Dövlət Neft Fondunun gəlirləri nəzərə alınmadan icmal büdcəsinin kəsiri 4 715,5 mln. manat təşkil edib və bu, müvafiq proqnoza nisbətən 13,6% azdır.

Azərbaycanın icmal büdcəsi barədə məlumat

(mln. man.)

	2008-ci il (fakt)	2008-ci il (proqnoz)	2007-ci il	2008-ci ilin 2007-ci ilə nisbəti (%)
Gəlirlər	19 433	17 464,7	8 069,4	240,8
Xərclər	12 283,9	12 774,1	7 389,2	166,2
Profisit (kəsir)	7 149,1	4 690,6	680,2	1051,2
İcmal büdcənin kəsiri (ARDNF-in gəlirləri nəzərə alınmadan)	- 4 715,5	- 5 454,1	- 1 206	391