Azərbaycan Mərkəzi Bankından «APA-Economics»ə verilən məlumata görə, bu göstərici əsasən ölkəyə cəlb olunmuş birbaşa investisiyaların və xarici kreditlərin hesabına formalaşıb:
(mln. dollar)
Cəlb olunan xarici kapitalın strukturu | ||
| 2008-ci ilin II rübü | 2009-cu ilin II rübü |
Birbaşa investisiyalar | 2 059,2 | 1 519,0 |
- neft-qaz sektoru | 1 646,1 | 1 107,9 |
- digər sektorlar | 413,1 | 411,1 |
Kreditlər və digər investisiyalar | 1 910,2 | 1 013,8 |
- dövlət təminatlı kreditlər | 149,3 | 216,0 |
- dövlət təminatlı olmayan kreditlər | 1 502,3 | 349,8 |
-- neft-qaz sektoru | 687,9 | 33,8 |
-- banklar | 525,9 | 209,0 |
-- digərləri | 288,5 | 107,0 |
- digər investisiyalar | 258,6 | 448,0 |
Neft bonusu | 0,5 | - |
C Ə M İ | 3 969,9 | 2 532,8 |
Mərkəzi Bankın tədiyyə balansının şərhinə əsasən, birbaşa investisiyalar formasında xaricdən cəlb olunmuş sərmayələrin ümumi məbləği 1 519,0 mln. dollar olub ki, bu investisiyaların strukturunda neft-qaz sektorunun xüsusi çəkisi 72,9% təşkil edir. Öz növbəsində həmin sərmayələr iri neft-qaz layihələrinin, əsasən «Şahdəniz» layihəsi və «Azəri-Çıraq-Günəşli» yataqlarında görülən işlərin maliyyələşdirilməsi ilə əlaqədar ölkə iqtisadiyyatında istifadə olunub.
Kreditlər və digər investisiyalar formasında cəlb olunmuş sərmayələrin xüsusi çəkisi xarici kapitalın strukturunda 1,9 dəfə azalaraq 40% təşkil edib. Bunun səbəbi neft-qaz sektoruna cəlb olunmuş kreditlərin azalmasıdır. Nəticədə, 2009-cu ilin yanvar-iyun aylarında cəlb olunmuş kredit və digər investisiyaların ümumi məbləği 1 013,8 mln. dollar təşkil edib ki, bu məbləğin yalnız 21,3%-i birbaşa dövlət və dövlət təminatı əsasında cəlb olunmuş kreditlərdir. Göründüyü kimi, bu miqdardan 1,6 dəfə çox vəsait dövlət təminatı olmadan cəlb edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
