Maliyyə

Ana səhifə

Maliyyə

Azərbaycanın birja bazarında avronun məzənnəsi güclənir

23 sentyabr 2009 10:48 (UTC +04:00)

Bakı. Vahab Rzayev – APA-Economics. Azərbaycanda ABŞ dolları üzrə birja valyuta bazarının dövriyyəsi ötən həftə (sentyabrın 14-18-də) 18,348 mln. dollar təşkil edib. Dolların orta həftəlik birja məzənnəsi isə 0,8030 manata bərabər olub.

«APA-Economics»in məlumatına görə, ötən həftə ərzində birja dövriyyəsinin gündəlik göstəriciləri aşağıdakı kimi olub:

Ötən həftənin yekunlarına görə, dolların birja məzənnəsi (Bakı Banklararası Valyuta Birjasının (BBVB) valyuta bölməsində keçirilən ticarət əməliyyatlarının nəticəsi üzrə orta göstərici) 0,03% azalaraq 0,8029 manat təşkil edib. Dolların rəsmi məzənnəsi də 0,03% azalaraq 0,8033 manata bərabər olub:

Göründüyü kimi, ötən həftə dolların rəsmi və birja məzənnələri cüzi enib və avronun rəsmi məzənnəsinin artımı daha nəzərə çarpan olub. Belə ki, ötən həftənin yekunlarına görə, avronun manata qarşı rəsmi məzənnəsi 1,15% artıb:

Qeyd edək ki, ötən həftə dünya bazarlarında dolların avroya qarşı məzənnəsi 1,36% azalıb. Azərbaycanda bu proses öz əksini dolların ucuzlaşmasında deyil, avronun möhkəmlənməsində tapıb.