Maliyyə

Ana səhifə

Maliyyə

«Royal Bank» yeni filial açıb

08 oktyabr 2009 08:36 (UTC +04:00)

Bakı. Elnur Hüseynquluyev – APA-Economics. «Royal Bank» Səhmdar Kommersiya Bankının (SKB) Qaradağ rayonunun Sahil qəsəbəsində filialı istifadəyə verilib.

Bankın Plastik kartlar Departamentinin direktoru Fərid Həsənovun «APA-Economics»ə verdiyi məlumata görə, müştərilər «Sahil» filialı vasitəsi ilə kredit depozit əməliyyatları, pul köçürmələri, valyuta mübadiləsi, cari hesabların açılması, hesablaşma kassa-hesabı və digər xidmətlərdən istifadə edə bilərlər.

Qeyd edək ki, bununla da bankın respublika üzrə filiallarının ümumi sayı 29-a çatıb. Xatırladaq ki, bankın strateji planına uyğun olaraq, bu il ərzində əlavə 3 filialın açılması nəzərdə tutulub. Filiallar əsasən respublikanın regionlarını əhatə edəcək.

Təsisçisi ABŞ vətəndaşı olan «Royal Bank» SKB 1993-cü ildə Azərbaycanda «OZ Bank» kimi yaradılıb. Cari ilin iyul ayının 1-nə bankın aktivlərinin həcmi 125,395 mln. manat, depozit portfeli 50,374 mln. manat, kredit portfeli 86,273 mln. manat, məcmu kapitalı 21,618 mln. manat, o cümlədən nizamnamə kapitalı 19,912 mln. manat təşkil edib.