Maliyyə

Ana səhifə

Maliyyə

Azərbaycanda xarici valyutada verilən kreditlər bahalaşıb

09 oktyabr 2009 10:56 (UTC +04:00)

Bakı. Vahab Rzayev – APA-Economics. Azərbaycanda 2009-cu ilin sentyabr ayının əvvəlinə olan vəziyyətə milli valyuta ilə kreditlər üzrə orta faiz dərəcələri ötən ilin müvafiq dövrü ilə müqayisədə 3,36 faiz bəndi azalaraq 14,86% təşkil edib.

Azərbaycan Mərkəzi Bankından «APA-Economics»ə verilən məlumata görə, manatla hüquqi şəxslər üzrə orta faiz dərəcələri 3,52 faiz bəndi azalaraq 12,48%, fiziki şəxslər üzrə isə 0,57 faiz bəndi azalaraq 20,68% təşkil edib:

	Kreditlərə görə orta		Hüquqi şəxsalər üzrə		Fiziki şəxslər üzrə
	Manatla	Xarici valyuta	Manatla	Xarici valyuta	Manatla	Xarici valyuta
01.09.2008	18.22	14.67	16.00	11.92	21.25	21.40
01.01.2009	17.45	14.52	14.87	12.37	21.53	21.52
01.09.2009	14.86	15.48	12.48	12.71	20.68	21.76

Göründüyü kimi, xarici valyutada verilən kreditlər üzrə faiz dərəcələri manat kreditlərindən fərqli olaraq bir qədər bahalaşıb. Nəticədə, hazırda valyuta kreditləri manat kreditlərindən orta hesabla 0,62 faiz bəndi bahadır. Buna əsas səbəb kimi manatın dollara və avroya qarşı tədricən möhkəmlənməsini göstərmək olar. Həmin səbəb valyuta kreditlərinin bahalaşmasına da aiddir, çünki valyuta kreditləri əsasən məhz dollar və ya avro ilə verilir. Belə ki, sentyabrın 1-nə il ərzində manat dollara qarşı 1,24%, avroya qarşı isə 3,15% möhkəmlənib. Nəticədə, valyuta kreditləri üzrə faiz dərəcələrini artırmaqla banklar özlərini valyuta risklərindən sığortayır.