Maliyyə

Ana səhifə

Maliyyə

«Alfa Sığorta» şirkəti mənzil sığortasını təkmilləşdirib

09 oktyabr 2009 13:16 (UTC +04:00)

Bakı. Elnur Hüseynquluyev – APA-Economics. Azərbaycanın «Alfa Sığorta» şirkəti «Mənzil sığortası» xidmət növünü təkmilləşdirib. Şirkətdən «APA-Economics»ə verilən məlumata görə, artıq müştərilər mənzillərini sığortalayan zaman mənzilin içindəki bütün əşyaları da kompleks şəkildə sığortalayacaq.

Şirkətdən bildirilib ki, sığorta obyektinə bina və tikililər, mənzil, mebel və interyerə aid əşyaların işləmələri, mühəndis və texnoloji-istehsalat avadanlıqları, istehsalat və təsərrüfat inventarları, mal-material ehtiyatları və qiymətli əmlak daxildir.

Sığortalanan hər bir obyekt üçün maksimum kompensasiya məbləği müqavilədə müəyyən olunur və kompensasiya məbləği sığorta anında əmlakın real dəyərindən artıq olmamalıdır.

Qeyd edək ki, təsisçisi «Texnikabank» olan «Alfa Sığorta» şirkəti (əvvəlki «Murad İnsurance») 1997-ci ildən fəaliyyət göstərir. Şirkət 21 könüllü və 4 icbari sığorta növü üzrə xidmət göstərir.