Maliyyə

Ana səhifə

Maliyyə

«Kövsər Bank» nizamnamə kapitalını artırır

13 oktyabr 2009 10:14 (UTC +04:00)

Bakı. Nicat Mustafayev – APA-Economics. Azərbaycan Qiymətli Kağızlar üzrə Dövlət Komitəsi (QKDK) «Kövsər Bank» Açıq Səhmdar Cəmiyyətinin sənədsiz adlı adi səhmlərinin emissiya prosrektini dövlət qeydiyyatına alıb.

QKDK-dan «APA-Economics»ə verilən məlumata görə, səhmlərin hər birinin nominal dəyəri 200 manat, sayı 1 000 ədəd, emissiyanın ümumi həcmi isə 200 min manat təşkil edib. Birja mütəxəssislərinin fikrincə, «Kövsər Bank» səhmlərin yerləşdirilməsinə artıq bu ilin oktyabr ayında başlayacaq. Emissiyanın yerləşdirilməsi uğurla başa çatacağı təqdirdə ASC-nin nizamnamə kapitalının 2% artaraq 10,220 mln. manata çatacağı gözlənilir.

Xatırladaq ki, «Kövsər Bank» ASC 1989-cu ildə «Universal Bank» kimi yaradılıb. Bank 2003-cü ildən İslam Bankları Assosiasiyasının (İBA), o cümlədən İslam Bankları və Maliyyə İnstitutları Audit və Mühasibat Təşkilatının üzvüdür. Cari ilin aprel ayının 1-nə «Kövsər Bank»ın aktivlərinin həcmi 16,843 mln. manat, depozit portfeli 2,479 mln. manat, məcmu kapitalı 10,239 mln. manata, o cümlədən nizamnamə kapitalı 10,020 mln. manat təşkil edib. Hazırda Bankın respublika üzrə 2 filialı, 1 mübadilə məntəqəsi fəaliyyət göstərir.