Maliyyə

Ana səhifə

Maliyyə

Azərbaycanda ilin əvvəlindən yoxlamalar zamanı sahibkarlıq subyektlərinə hesablanan əlavə vergi ödənişləri 2,4 dəfə artıb

16 oktyabr 2009 12:49 (UTC +04:00)

Bakı. Rəşad Süleymanov – APA-Economics. Cari ilin yanvar-sentyabr aylarında Azərbaycanda vergi orqanları tərəfindən 97 mindən artıq sahibkarlıq subyektinə keçirilmiş kameral yoxlamalar nəticəsində 1,273 mlrd. manat vəsait hesablanıb. «APA-Economics»in məlumatına görə, bunu Bakıda «Böhrandan sonrakı iqtisadiyyatda maliyyə resurslarının səmərəli idarə olunmasında şəffaflığın rolu» mövzusunda keçirilən konfransda vergilər nazirinin müavini Sahil Məmmədxanov bildirib.

S.Məmmədxanovun sözlərinə görə, hesablanmış vəsait 2008-ci ilin müvafiq dövrü ilə müqayisədə 2,4 dəfə çox olub.

S.Məmmədxanov bildirib ki, vergilər nazirinin əmri ilə martın 10-dan dekabr ayının 31-dək müəyyən fəaliyyət sahələri ilə məşğul olan vergi ödəyicilərində səyyar vergi yoxlamalarının və müşahidələrin aparılması dayandırılıb. Bu addım dünyada mövcud maliyyə böhranının Azərbaycan iqtisadiyyatına mümkün təsirlərini minimuma endirmək məqsədi daşıyır.