Maliyyə

Ana səhifə

Maliyyə

Azərbaycan İnvestisiya Şirkətinin auditinə başlanılıb

20 oktyabr 2009 14:05 (UTC +04:00)

Bakı. Nicat Mustafayev – APA-Economics. Azərbaycan İnvestisiya Şirkətinin (AİŞ) 2008-ci ildəki maliyyə-təsərrüfat fəaliyyətinin nəticələri üzrə auditə başlanılıb. «APA-Economics»in məlumatına görə, bunu AİŞ-in icraçı direktoru Əfqan İsayev bildirib.

Onun sözlərinə görə, auditi «Ernst&Young» audit şirkəti keçirir: «Bununla yanaşı, biz öz törəmə şirkətlərimizin də auditini aparırıq ki, bu səbəbdən AİŞ-in auditi bir qədər ləngiyir».

Xatırladaq ki, AİŞ 2006-cı ilin mart ayında yaradılıb. Şirkətin investisiya fəaliyyətinin məqsədi əsasən ölkə iqtisadiyyatının qeyri-neft sahələrində fəaliyyət göstərən səhmdar cəmiyyətlərinin və digər kommersiya təşkilatlarının nizamnamə kapitalındakı iştirak payını, o cümlədən səhmlərini almaqla müddətli investisiya qoyuluşunun həyata keçirilməsindən ibarətdir. Şirkətin nizamnamə kapitalı 90 mln. manat təşkil edir.