Maliyyə

Ana səhifə

Maliyyə

AYİB son bir ildə Azərbaycan iqtisadiyyatına sərmayələrini 3,5 dəfə artırıb

21 oktyabr 2009 07:51 (UTC +04:00)

Bakı. Nicat Mustafayev – APA-Economics. Bu ilin yanvar-sentyabr ayları ərzində Avropa Yenidənqurma və İnkişaf Bankı (AYİB) tərəfindən Azərbaycanda əsas kapitala yönəldilmiş investisiyaların həcmi 19 011,9 min manat təşkil edib.

Dövlət Statistika Komitəsindən «APA-Economics»ə verilən məlumata görə, AYİB tərəfindən yatırılan investisiyanın həcmi ötən ilin müvafiq dövrünə nisbətən 3,5 dəfə artıb. Hesabat dövründə xarici ölkələr və beynəlxalq təşkilatlar tərəfindən Azərbaycanda əsas kapitala yönəldilmiş xarici investisiyaların strukturunda AYİB-in sərmayələrinin xüsusi çəkisi 2,1% təşkil edib.

Qeyd edək ki, Azərbaycan 1992-ci ildən AYİB-in üzvüdür. Bu günə kimi AYİB Azərbaycanda ümumi dəyəri 1 mlrd. ABŞ dolları olan 50-dən çox investisiya layihələrini imzalayıb. Bank əsas diqqətini dayanıqlı maliyyə sektorunun inkişaf etdirilməsinə, mikro, kiçik və orta sahibkarlığın dəstəklənməsinə və qeyri-neft özəl sektorunun inkişaf etdirilməsinə yetirir. Hazırda AYİB ilə Azərbaycan hökuməti arasında nəqliyyat və enerji layihələrinin həyata keçirilməsinə dair danışıqlar aparılır.