Maliyyə

Ana səhifə

Maliyyə

«Turanbank» daha bir beynəlxalq pulköçürmə sisteminə qoşulub

13 aprel 2010 10:18 (UTC +04:00)

Bakı. Nicat Mustafayev - APA-Economics. Azərbaycanın «Turanbank» ASC fiziki şəxslərə göstərdiyi təcili pul köçürmə sistemi partnyorlarının sayını genişləndirib.

ASC-dən «APA-Economics»ə verilən məlumata görə, «Turanbank» «Allyur» təcili pul köçürmə sisteminə qoşularaq bu sahədə partnyorlarının sayını 7-yə çatdırıb.

Hazırda «Allyur» sistemi uzaq xaricdə və MDB ölkələrinin 300-dən artıq yaşayış məntəqəsində 650 ofisdə təmsil olunur, «PrivatMoney» pul köçürmə ilə olan partnyor proqramı isə “Allyur”un köçürmələrini Ukrayna, Azərbaycan, Belarus, Latviya və digər ölkələrdə almaq imkanı yaradır. Hazırda 5 500 ofisdə «Allyur» sistemi ilə pul köçürmələri həyata keçirilir.

Qeyd edək ki, hazırda «Turanbank» «Western Union», «Contact», «Migom», «Bıstraya poçta», «PrivatMoney», «Xpress Money» və «Allyur» pul köçürmə sistemləri üzrə 200 ölkəni əhatə edərək xidmətlər göstərir. Sözügedən xidmətdən «Turanbank»ın Bakı, Sumqayıt, Gəncə, Tovuz, Ağstafa və Zaqatala ofislərində istifadə etmək olar.

Xatırladaq ki, təsisçisi 17 hüquqi və 37 fiziki şəxs olan «Turanbank» SKB 1992-ci ildən fəaliyyət göstərir. Bu ilin martın 1-nə bankın aktivləri 117,9 mln. manat, kredit portfeli 80,7 mln. manat, depozit portfeli 44 mln. manat, məcmu kapitalı 21,12 mln. manat, o cümlədən nizamnamə kapitalı 17 mln. manat təşkil edib.