Maliyyə

Ana səhifə

Maliyyə

«TBC Kredit» təşkilatının kredit portfeli ilin əvvəlindən 13% artıb

14 iyul 2010 12:56 (UTC +04:00)

Bakı. Elnur Hüseynquluyev - APA-Economics. «TBC Kredit» qeyri-bank kredit təşkilatının kredit portfeli 2010-cu il iyul ayının 1-nə 18,2 mln. ABŞ dolları təşkil edib ki, bu da cari ilin əvvəli ilə müqayisədə 12,5% çoxdur.

Şirkətin baş ofisindən «APA-Economics»ə verilən məlumata görə, kredit portfelinin diversifikasiyasında 56% biznes kreditlərinin, 29% ipoteka kreditləri, 14% isə istehlak kreditlərinin payına düşüb.

Şirkətdən bildirib ki, kredit portfelinin böyük hissəsini biznes kreditləri təşkil edib. Cari ilin əvvəlində bu məhsul üzrə faiz dərəcəsi azaldılıb və orta illik 22% təşkil edib. Hazırda biznes kreditlərinin maksimal məbləği 500 min manatadır.

Biznes portfelində kiçik müəssisələrə verilən mikro kreditlər də daxildir ki, onlar da ötən ilin sonundan etibarən girovsuz verilir. Girovsuz mikro-biznes kreditlərinin maksimal məbləği 10 min manat təşkil edir.

Xatırladaq ki, «TBC Credit» 1999-cu ilin dekabrında «Shore Overseas Azerbaijan Credit» (SOA Credit) qeyri-bank kredit təşkilatı adı ilə yaradılıb. «SOA Credit» qeyri-bank kredit təşkilatının brendi 2007-ci ilin may ayında dəyişərək «TBC Kredit» olub. Brendin dəyişməsi Gürcüstanın aparıcı bankı olan “TBC Bank”ın təşkilatın yeni təsisçisi olması ilə əlaqədardır. Ötən ilin əvvəlində «SOA Credit»in nizamnamə kapitalındakı 75%-lik iştirak payı Gürcüstanın «TBC Bank»ına satılıb.