Maliyyə

Ana səhifə

Maliyyə

«Azərbaycan Sənaye Sığorta» nizamnamə kapitalını artırır

20 sentyabr 2010 13:16 (UTC +04:00)

Bakı. Nicat Mustafayev – APA-Economics. Azərbaycan Qiymətli Kağızlar üzrə Dövlət Komitəsi (QKDK) «Azərbaycan Sənaye Sığorta» ASC-nin adi sənədsiz adlı səhmlərinin emissiya prospektini dövlət qeydiyyatına alıb.

QKDK-dan «APA-Economics»ə verilən məlumata görə, səhmlərin hər birinin nominal dəyəri 1 200 manat, sayı 4 min ədəd, emissiyanın ümumi həcmi isə 4,8 mln. manat təşkil edir. Emissiya «Azərbaycan Sənaye Sığorta» şirkətinin bundan əvvəl qeydiyyata alınmış (hər birinin nominal dəyəri 1 000 manat olan 4 min ədəd – 4 mln. manatlıq) adi adlı sənədsiz səhmlərinin yeni parametrlərə konvertasiyası yolu ilə həyata keçiriləcək. Konvertasiya nəticəsində şirkətin nizamnamə kapitalı 20% artaraq 4,8 mln. manata çatacaq.

Qeyd edək ki, təsisçisi «Azərbaycan Sənaye Bankı» olan «Azərbaycan Sənaye Sığorta» şirkəti 1996-cı ildən fəaliyyət göstərir. Şirkətin bu ilin yanvar-iyul aylarında topladığı sığorta haqlarının həcmi 3,120 mln. manata çatıb. Hesabat dövründə şirkətin sığorta riskləri üzrə ödənişlərinin həcmi 0,909 mln. manat. Cari ilin avqust ayının 1-nə şirkətin nizamnamə kapitalı 4 mln. manat təşkil edib. Hazırda şirkət 22 könüllü və 4 icbari sığorta növü üzrə xidmət göstərir.