Maliyyə

Ana səhifə

Maliyyə

«Bank of Baku» plastik kartlar üzrə illik xidmət haqqını azaldıb

28 sentyabr 2010 11:27 (UTC +04:00)

Bakı. Elnur Hüseynquluyev - APA-Economics. Azərbaycanın «Bank of Baku» ASC plastik kartların illik xidmət haqqını azaldıb.

Bankın baş ofisindən «APA-Economics»ə verilən məlumata görə, yeni tariflərlə yanaşı, bu məhsulla bağlı daha bir üstünlük təklif edilir ki, bu da kartlar üzrə olan sığorta məbləğinə tələb tam olaraq ləğv olunmasıdır.

Dekabr ayının 31-dək davam edəcək güzəşt kampaniyası çərçivəsində «Bank of Baku»dan plastik kartları daha sərfəli şərtlərlə əldə etmək olar. Belə ki, «Maestro», «Visa Electron» kartları üçün 7 manat, «MC Standard», «Visa Classic» kartları üçün 8 manat xidmət haqqı nəzərdə tutulub. Digər plastik kart tarifləri də müvafiq olaraq azaldılıb.

Bundan başqa, «Bank of Baku» «MC Gold», «Visa Gold» və «MC Standard», «Visa Classic» kartlarında depozit məbləğinin saxlanılması üçün mövcud olan sığorta məbləğinin də tam götürülməsinə qərar verib (əvvəl bu kartlar üzrə sığorta məbləği 200 və 100 manat, dollar və ya avro təşkil edirdi). Bankın təqdim etdiyi «MC Gold», «Visa Gold» kartlarının sahibləri daha bir üstünlükdən faydalana bilərlər. Belə ki, bu kart sahiblərinə 1 illik «İnternet Bankçılıq» və 6 aylıq «SMS Bankçılıq» xidməti hədiyyə olunur.

Xatırladaq ki, hazırda «Bank of Baku» müştərilərə «MC Gold», «Visa Gold», «MC Standard», «Visa Classic», «MC Unembossed», «Maestro», «Visa Electron», «Visa Deposit Card» və «MC Virtual» plastik kartlarını təklif edir.