Maliyyə

Ana səhifə

Maliyyə

«Atəşgah» sığorta şirkəti bu ilin sonuna kimi yeni layihəyə başlayacaq

29 sentyabr 2010 15:21 (UTC +04:00)

Bakı. Elnur Hüseynquluyev - APA-Economics. Bu gün Azərbaycanın «Atəşgah» sığorta şirkətində jurnalistlərlə görüş keçirilib.

«APA-Economics»in məlumatına görə, görüşdə jurnalistlərə şirkət tərəfindən müştərilərə göstərilən bütün sığorta xidmətləri haqqında geniş məlumat verilib.

Tədbirdə «Atəşgah Həyat Sığorta» şirkətinin satış üzrə mütəxəssisi Xəqani Baxşəliyev şirkətin yaxın vaxtlara yaratdığı yeni sığorta məhsulları, o cümlədən «Arxayın valideyn», «Arxayın sürücü» və «Arxayın sakin» sığorta məhsulları barədə geniş təqdimatla çıxış edib. Bu sığorta məhsulları haqda ətraflı məlumat verən X.Baxşəliyev yaxın gələcəkdə şirkətin daha yeni məhsullarının hazırlanacağını bildirib: «Ümumiyyətlə, yaxın gələcəkdə şirkət fiziki şəxslər üzrə «Tibbi sığorta» məhsulunu da tətbiq etmək niyyətindədir».

Şirkətin mətbuat xidmətinin rəhbəri Aydın Əhmədzadə bu ilin sonuna kimi şirkət tərəfindən NS adlı daha bir yeni layihəyə başlanacağını bildirib. Onun sözlərinə görə, bu layihə ilə bağlı bütün KİV orqanlarında reklam kampaniyalarına başlanacaq.

Xatırladaq ki, «Atəşgah Sığorta» şirkəti 1996-cı ilin sonunda yaradılıb. Şirkətin səhmdarları rolunda «İSR Holding» (49%), ARDNŞ (30%) və «Ran Exim» şirkəti (21%) çıxış edir. Hazırda şirkətin nizamnamə kapitalı 2,7 mln. manat təşkil edir. Şirkətin ölkə üzrə 8 ofisi fəaliyyət göstərir.