Maliyyə

Ana səhifə

Maliyyə

Bakı Fond Birjasının dövriyyəsi son bir ildə 2,2 dəfə azalıb

04 oktyabr 2010 12:24 (UTC +04:00)

Bakı. Nicat Mustafayev – APA-Economics. Bu ilin yanvar-sentyabr ayları ərzində Bakı Fond Birjasında (BFB) bütün alətlər üzrə aparılmış əməliyyatların ümumi həcmi 1 341 177 557,09 manat təşkil edib. Bu da 2009-cu ilin eyni dövrünün analoji göstəricisindən 2,2 dəfə azdır.

BFB-dan «APA-Economics»ə verilən məlumata görə, ümumilikdə, hesabat dövründə korporativ qiymətli kağızlar (KQK) bazarı 23,8% artıb. Korporativ istiqrazların ilkin bazarında 82 əqd üzrə 69 620 806,59 manatlıq yerləşdirmə qeyda alınıb, istiqrazların təkrar bazarında isə 125 720 233,52 manatlıq əqdlər bağlanılıb ki, ötən ilin yanvar-sentyabr ayları ilə müqayisədə istiqrazların ilkin bazarı 95,5%, təkrar bazarı isə 2,9 dəfə artıb. Ümumiyyətlə isə, korporativ istiqrazlar bazarı hesabat dövründə 2,5 dəfə artıb.

Səhm bazarına gəldikdə isə, hesabat dövründə bu növ kağız üzrə qeydə alınan əqdlərin həcmi 119 328 398,71 manat təşkil edib və 2009-cu ilin yanvar-sentyabr aylarına nisbətən 32% artıb. Səhmlərin ilkin bazarı 18,1%, təkrar bazarı isə 7 dəfə artıb.

Korporativ qiymətli kağızlar bazarı

Bazarın seqmentləri	Yanvar-sentyabr, 2010		Yanvar-sentyabr, 2009		Nisbət
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Nisbət
Korporativ istiqrazlar (yerləşdirmə)	69 620 806,59	82	35 606 344,08	39	95,5%
Korporativ istiqrazlar (təkrar bazar)	125 720 233,52	82	43 841 185,09	32	+2,9 dəfə
KI bazarı cəmi	195 341 040,11	164	79 447 529,17	71	+2,5 dəfə
Səhmlər (yerləşdirmə)	114 276 934,96	949	139 720 247,40	1 271	18,1%
Səhmlər (təkrar bazar)	5 051 463,75	1,534	35 108 337,62	2 274	+7 dəfə
Səhm bazarı cəmi	119 328 398,71	2,483	174 828 585,02	3 545	32%
KQK bazarı cəmi	314 669 438,82	2,647	254 276 114,19	3 616	23,8%

Bundan başqa, cari ilin yanvar-sentyabr aylarında birjada dövlət istiqrazları (Dİ) bazarında da azalma müşahidə olunub. Belə ki, hesabat dövründə dövlət istqrazları bazarının həcmi 50%, o cümlədən istiqrazların ilkin bazarının həcmi 2,1 dəfə, təkrar bazarın həcmi isə 41,2% azalıb. Ümumiyyətlə, yanvar-sentyabr aylarında dövlət qiymətli kağızları (DQK) bazarının həcmi ötən ilin analoji dövrü ilə müqyaisədə 2,6 dəfə azalıb.

Dövlət qiymətli kağızları bazarı
(yanvar-sentyabr, 2010)

Bazarın seqmentləri	Yanvar-sentyabr, 2010		Yanvar-sentyabr, 2009		Nisbət
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Nisbət
Dİ (AMN) (yerləşdirmə)	173 414 126,08	77	370 903 190,21	210	-2,1 dəfə
Dİ (AMN) (təkrar bazar)	82 332 007,92	43	140 123 016,06	76	-41,2%
Dİ bazarı cəmi	255 746 134,00	120	511 026 206,27	286	-50%
Notlar (AMB) (yerləşdirmə)	159 449 447,81	131	264 738 921,15	169	-40%
Notlar (AMB) (təkrar bazar)	5 564 936,87	2	67 504 812,02	39	-12,1 dəfə
Not bazarı cəmi	165 014 384,68	133	332 243 733,17	208	-50,3%
Repo əməliyyatları	605 747 599,59	592	1 811 711 060,65	600	-3 dəfə
DQK bazarı cəmi	1 026 508 118,27	845	2 654 981 000,09	1 094	-2,6 dəfə

Dİ – dövlət istiqrazları;
AMN – Azərbaycan Maliyyə Nazirliyi;
AMB – Azərbaycan Mərkəzi Bankı;
DQK – dövlət qiymətli kağızları;
KQK – korporativ qiymətli kağızlar.