Maliyyə

Ana səhifə

Maliyyə

Azərbaycan parlamenti komitələr səviyyəsində 2011-ci il dövlət büdcəsinin layihəsinin müzakirəsinə başlayıb

07 oktyabr 2010 13:21 (UTC +04:00)

«APA-Economics»in məlumatına görə, iclasda çıxış edən Milli Məclisin Elm və təhsil komitəsinin sədri Şəmsəddin Hacıyev bildirib ki, Azərbaycanın 2011-cü il üçün gözlənilən ümumi daxili məhsul istehsalı bütövlükdə Gürcüstan və Ermənistandan çoxdur. Büdcədə təhsil xərcləri 1 338,163 mln. manat nəzərdə tutulub.

Mədəniyyət və turizm naziri Əbülfəs Qarayev isə çıxışında bildirib ki, son 4 ildə dövlət büdcəsindən mədəniyyət sahəsinə ayrılan xərclər 2,8 dəfə artıb. Gələn ilin dövlət büdcəsinin layihəsində isə mədəniyyət xərclərinin cari illə müqayisədə 13% artırılması nəzərdə tutulur.

Milli Məclisin Regional məsələlər komitəsinin sədri Arif Rəhimzadə 2011-ci il dövlət büdcəsinin layihəsini yüksək qiymətləndirərək büdcədən bələdiyyələrə ayrılan vəsaitin artırılmasını təklif edib.

Büdcə layihəsinin gəlir və xərcləri barədə məlumat verən Maliyyə Nazirliyi sosial sahələrin maliyyəsi şöbəsinin müdiri Xəqani Rzayev isə bildirib ki, gələn ilin dövlət büdcəsində gəlirlər 12 061 mln. manat və ya cari illə müqayisədə 4,8% çox nəzərdə tutulub. Büdcənin xərcləri isə 12 748 mln. manat və ya 3,9% çox proqnozlaşdırılır. Büdcənin sosial yönümlü olduğunu xatırladan nazirlik rəsmisi qeyd edib ki, sosial xərclər ümumi xərclərin 33,3%-ni təşkil edəcək.

Daha sonra deputatlar büdcə layihəsi barədə fikrlərini bildiriblər. Sonda qanun layihəsi Milli Məclisin ümumi iclasının müzakirəsinə tövsiyə edilib.