Maliyyə

Ana səhifə

Maliyyə

Azərbaycan iqtisadiyyatına sərmayə qoyuluşu artacaq

15 oktyabr 2010 08:36 (UTC +04:00)

Bakı. Vahab Rzayev – APA-Economics. Azərbaycan iqtisadiyyatına yönəldilən investisiyaların həcminin 2010-cu ilin yekunlarına görə 9 776,2 mln. manat olacağı gözlənilir ki, bu da ötən ilin analoji göstəricisindən 25,3% çoxdur. «APA-Economics» xəbər verdiyi kimi, ölkə hökumətinin proqnozlarına görə, daxili investisiyaların həcminin 2009-cu illə müqayisədə 7,9% artaraq 6 759,9 mln. manata, xarici investisiyaların isə 1,8 dəfə artaraq 3 016,3 mln. manata çatacağı gözlənilir. Beləliklə, investisiyaların strukturunda daxili investisiyaların payı 69,1%, xarici investisiyaların payı isə müvafiq olaraq 30,9% səviyyəsində proqnozlaşdırılır.

Ümumiyyətlə, növbəti illər ərzində Azərbaycan iqtisadiyyatına yönəldiləcək investisiyalar üzrə artım dinamikası gözlənilir:

Göründüyü kimi, 2011-ci ildən sonra investisiyaların artım templərində müəyyən dərəcədə azalma gözlənilir, hətta daxili investisiyalarda ümumiyyətlə azalma proqnozlaşdırılır.

Daxili investisiyaların xarici investisiyaları üstələməsi prosesi son illər müşahidə olunmağa başlayıb ki, bunun da əsas səbəbi Azərbaycanın dövlət büdcəsində əsaslı təmir, infrastrukturun təkmilləşdirilməsi, sənaye layihələrinin maliyyələşdirilməsi kimi sosial-iqtisadi baxımdan əhəmiyyətli istiqamətlərə vəsaitlərin ayrılmasının kəskin artırılması ilə bağlıdır.