Bank Of Baku

«Paşa Bank»ın aktivləri son bir ildə 52% artıb

«Paşa Bank»ın aktivləri son bir ildə 52% artıb
# 18 oktyabr 2010 13:17 (UTC +04:00)
Bakı. Elnur Hüseynquluyev – APA-Economics. Azərbaycanın «Paşa Bank» ASC-nin aktivlərinin həcmi 2010-cu il oktyabr ayının 1-nə 381,120 mln. manat təşkil edib ki, bu da ötən ilin oktyabrın 1-nə olan analoji göstəricidən 52,4% çoxdur.

Bankın baş ofisindən «APA-Economics»ə verilən məlumata görə, hesabat dövründə bankın depozit portfeli 79,4% genişlənərək 197,457 mln. manat, o cümlədən əhalinin əmanətləri 82,718 mln. manat, kredit portfeli 2,3 dəfə artaraq 197,821 mln. manat, o cümlədən istehlak kreditlərinin həcmi 2,177 mln. manat olub.

Bu müddət ərzində bankın məcmu kapitalı təxminən 12% artaraq 135,521 mln. manat, o cümlədən nizamnamə kapitalı 15,4% artaraq 115,4 mln. manat təşkil edib.

Qeyd edək ki, son bir ildə bankın ümumi gəlirləri 51,3% artaraq 29,448 mln. manat, xərcləri isə 2,6 dəfə artaraq 19,724 mln. manat olub. Nəticədə, bankın mənfəəti son bir il ərzində 19% azalaraq 9,724 mln. manat təşkil edib.

Xatırladaq ki, «Paşa Holding» Şirkətlər Qrupuna daxil olan «Paşa Bank» 2007-ci ilin noyabr ayından fəaliyyət göstərir. Cari ilin oktyabr ayının 1-nə bankın işçilərinin sayı 22% artaraq 105 nəfər olub.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR