Bank Of Baku

«Muğan Bank» mənfəəti kəskin artıb

«Muğan Bank» mənfəəti kəskin artıb
# 19 oktyabr 2010 12:58 (UTC +04:00)
Bakı. Elnur Hüseynquluyev – APA-Economics. Azərbaycanın «Muğan Bank» ASC-nin aktivlərinin həcmi 2010-cu il oktyabr ayının 1-nə 193,195 mln. manat təşkil edib ki, bu da 2009-cu ilin oktyabrın 1-nə olan analoji göstərici ilə müqayisədə 33% çoxdur.

Bankın baş ofisindən «APA-Economics»ə verilən məlumata görə, hesabat dövründə bankın depozit portfeli 37,4% genişlənərək 76,244 mln. manata, o cümlədən əhalinin əmanətləri 26% artaraq 54,774 mln. manata, kredit portfeli 63% artaraq 128,491 mln. manata, o cümlədən istehlak kreditlərinin həcmi 19,3% artaraq 21,120 mln. manata çatıb.

Həmçinin, bankın məcmu kapitalı 14% artaraq 25,042 mln. manat, o cümlədən nizamnamə kapitalı 11% artaraq 20 mln. manat olub.

Qeyd edək ki, son bir ildə bankın gəlirləri 56% artaraq 17,250 mln. manat, xərcləri isə 42% artaraq 14,971 mln. manat təşkil edib. Nəticədə, bankın mənfəəti 4,5 dəfə artaraq 2,279 mln. manata çatıb. Bu dövr ərzində bankın işçilərinin sayı 12% artaraq 465 nəfər, cəmi müştərilərin sayı isə 37% artaraq 40 289 olub.

Xatırladaq ki, təsisçisi dörd fiziki şəxs olan «Muğan Bank» ASC 1992-ci ildən fəaliyyət göstərir. Bankın respublika üzrə 30 filialı, 35 bankomatı və 70 POS-terminalı mövcuddur.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR