Maliyyə

Maliyyə

ABŞ-da yeni 100 dollarlıq əsginaslar çap edilib

07 dekabr 2010 08:32 (UTC +04:00)

Bakı. Nicat Mustafayev - APA-Economics. ABŞ-ın Federal Ehtiyat Sistemi 1,1 mlrd. ədəd yeni 100 dollarlıq əsginas çap edib ki, onun da 1/3 hissəsi texnoloji səhvə görə istifadəyə yararsız ola bilər.

«APA-Economics»in «RBK daily»ə istinadən verdiyi məlumata görə, yeni əsginaslar artıq fevral ayında dövriyyəyə buraxılmalı idi.

Yeni əsginasların dövriyyəyə buraxılışı ABŞ-ın Federal Ehtiyat Sistemi sözügedən yeni dollar emissiyasını ümumi pul kütləsindən ayırmaq üsulunu fikirləşib tapmayana qədər qeyri-müəyyən tarixədək təxirə salınıb.

Keyfiyyətsiz 1,1 mlrd. yeni 100 dollarlıq banknotlar dünyada dövriyyədə olan ümumi 100 dollarlıq əsginasların 12%-ni təşkil edir. Yeni 100 dollarlıq emissiyanın 30%-i istifadəyə yarasız ola bilər. Hazırda yeni əsginaslar Federal Ehtiyat Sisteminin xəzinəsində saxlanılıb. Belə ki, hökumət yeni emissiyanı ümumi pul kütləsindən ayıra bilmir. Federal Ehtiyat Sisteminin hesablamalarına əsasən, əsginaslarda keyfiyyətsizliyin üzə çıxarılması üçün təxminən 20-30 il lazım gələcək.

Qeyd edək ki, yeni əsginasların çap edilməsi üçün ABŞ hökuməti 132 mln. dollar xərcləyib, onların keyfiyyətini yoxlamaq üçün nə qədər vəsait lazım olacağı isə hələ məlum deyil. Maraqlısı odur ki, yeni buraxılan əsginaslarda ilk dəfə olaraq ABŞ-ın maliyyə naziri Timoti Qaytnerin imzası əks olunub.