Maliyyə

Maliyyə

Azərbaycanda sığorta təşkilatlarının kapitalının minimumu ilə bağlı tələblər yumşaldılıb

10 dekabr 2010 06:58 (UTC +04:00)

Maliyyə Nazirliyinin Dövlət Sığorta Nəzarəti Xidmətindən «APA-Economics»ə verilən məlumata görə, qərara əsasən, ölkədə fəaliyyət göstərən sığortaçıların və təkrarsığortaçıların tələb olunan kapitalının minimum məbləği aşağıdakı kimi müəyyən olunub:

Tələb olunan kapitalın minimum məbləğinin təmin edilməsi tələbinin qüvvəyə minmə tarixləri	Sığortaçılar üçün tələb olunan kapitalın minimum məbləği	Təkrarsığortaçılar üçün tələb olunan kapitalın minimum məbləği
01.01.2011-ci il	3 mln. manat	6 mln. manat
01.01.2012-ci il	4 mln. manat	8 mln. manat
01.01.2013-cü il	5 mln. manat	10 mln. manat

Qərarın qəbul edilməsi zamanı dünya maliyyə böhranının sığortaçıların və təkrarsığortaçıların maliyyə vəziyyətinə, habelə ölkənin sığorta bazarının inkişaf dinamikasına təsirləri təhlil edilib və «Sığorta fəaliyyəti haqqında» qanununun 79.2-ci maddəsi rəhbər tutulmaqla, Azərbaycan Sığortaçılar Assosiasiyasının müraciəti nəzərə alınıb.

Qeyd edək ki, Maliyyə Nazirliyinin 2008-ci il iyulun 31-də keçirilən kollegiya iclasının qərarı ilə kapitalın minimum məbləği 01.01.2011-ci il tarixə sığortaçılar üçün 3,5 mln. manat (təkrarsığortaçılar üçün 7,0 mln. manat), 01.01.2012-ci il tarixə 5,0 mln. manat (10,0 mln. manat) müəyyən edilib.