USD 1.7

Bakı 25 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Maliyyə

Maliyyə

Beynəlxalq Sığorta Şirkəti sığorta polislərinin on-line satış sistemini genişləndirir

10 dekabr 2010 13:55 (UTC +04:00)

Bakı. Elnur Hüseynquluyev – APA-Economics. Azərbaycanın ən iri sığorta şirkətlərindən olan Beynəlxalq Sığorta Şirkəti (BSŞ) «Avtonəqliyyat vasitələrinin sahiblərinin mülki məsuliyyətinin icbari sığortası» növü üzrə şəhadətnamələrin on-line satışına başlayıb.

BSŞ-nin baş ofisindən «APA-Economics»ə verilən məlumata görə, bu növ üzrə sığorta şəhadətnamələrinin on-line satışı «AzeriCard» Prosessinq Mərkəzi ilə birgə təşkil olunub. Müştərilər www.iic.az saytına daxil olaraq, «Səyahət sığortası» ilə yanaşı «Avtonəqliyyat vasitələrinin sahiblərinin mülki məsuliyyətinin icbari sığortası»nı əldə edə bilərlər. Bunun üçün müştəri qeyd olunan saytda sığorta növünü seçməli və on-line ərizə formasını dolduraraq, öz plastik kartı (əmək haqqı, depozit və ya kredit kartları) vasitəsilə tələb olunan məbləği ödəməlidir. Bütün prosedurlar həyata keçirildikdən sonra, sığorta şəhadətnaməsi şirkətin əməkdaşları tərəfindən on-line ərizə formasında göstərilən ünvana çatdırılır.

Qeyd edək ki, BSŞ Azərbaycanda (2009-cu ilin may ayında) «Səyahət sığortası» şəhadətnamələrinin on-line satına başlayan ilk sığorta şirkətidir.

Xatırladaq ki, BSŞ 2002-ci ildə Azərbaycan Beynəlxalq Bankı tərəfindən təsis edilib. Şirkət müştərilərə 37 sığorta növü üzrə xidmət göstərir.

İDMAN XƏBƏR

Maliyyə

Şuşada Türk Dövlətləri Təşkilatı ölkələrinin Rəqabət Forumu keçirilib - <span class="red_color">FOTO