USD 1.7

Bakı 25 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Maliyyə

Maliyyə

Azərbaycanın xidmətlər balansının mənfi saldosu 26% artıb

15 dekabr 2010 13:27 (UTC +04:00)

Bakı. Vahab Rzayev – APA-Economics. Azərbaycanın 2010-cu ilin yanvar-sentyabr ayları üzrə tədiyə balansında əks etdirilən xarici dövlətlərlə iqtisadi əlaqələrdə qarşılıqlı xidmətlərin ümumi həcmi 4 151,4 mln. ABŞ dolları təşkil edib. Azərbaycan Mərkəzi Bankından «APA-Economics»ə verilən məlumata görə, bunun 2 651,7 mln. dolları qeyri-rezidentlər tərəfindən Azərbaycanın rezidentlərinə, 1 499,7 mln. dolları isə Azərbaycan rezidentlərinin xarici ölkələrin rezidentlərinə göstərdiyi xidmətlərin dəyəridir.

Beləliklə, xidmətlər balansının saldosu mənfi 1 152 mln. dollar olub ki, bu da ötən ilin müvafiq dövrü ilə müqayisədə 25,6% çoxdur.

Qarşılıqlı xidmətlər dövriyyəsinin 25,7%-i nəqliyyat xidmətləri üzrə aparılan əməliyyatların payına düşür. Ümumi dəyəri 1 065,4 mln. dollar olan nəqliyyat xidmətlərinin 55,7%-i Azərbaycan rezidentlərinin xarici dövlətlərin nəqliyyat sistemlərindən istifadə etmələri ilə əlaqədar olub. Azərbaycan rezidentlərinin qeyri-rezidentlərə göstərdiyi nəqliyyat xidmətlərinin ümumi dəyəri isə 471,7 mln. təşkil edib. Beləliklə, nəqliyyat xidmətləri üzrə mənfi saldo 121,9 mln. dollar təşkil edib. Xatırladaq ki, ötən ilin eyni dövründə 24,8 mln. dollar həcmində müsbət saldo qeydə alınıb.

Cari ilin üç rübündə xarici ölkə vətəndaşlarına turizmlə bağlı göstərilən xidmətlərin dəyəri 435,8 mln. dollar məbləğində olub və bunun 35,6%-i qeyri-rezidentlərin Azərbaycana işgüzar səfərləri ilə bağlıdır. Öz növbəsində xarici ölkələr tərəfindən Azərbaycan rezidentlərinə turizmlə bağlı göstərilən xidmətlərin dəyəri 496,7 mln. dollar təşkil edib. Nəticədə, 60,9 mln. dollar həcmində mənfi saldo yaranıb ki, bu da ötən ilin müvafiq dövrü ilə müqayisədə mənfiyə doğru dəyişmə deməkdir, çünki həmin dövrdə turizm sahəsində 1,8 mln. dollar həcmində müsbət saldo müşahidə olunub.

İDMAN XƏBƏR

Maliyyə

Şuşada Türk Dövlətləri Təşkilatı ölkələrinin Rəqabət Forumu keçirilib - <span class="red_color">FOTO