Maliyyə

Ana səhifə

Maliyyə

«Bank Respublika»nın «Ofis24» şöbəsi bayram günlərində də işləyəcək

29 dekabr 2010 09:33 (UTC +04:00)

Bakı. Vahab Rzayev – APA-Economics. Azərbaycanın «Bank Respublika» ASC-nin «Ofis24» adlı məntəqəsi 31 dekabr-4 yanvar tarixlərində müştərilərə fasiləsix xidmət göstərəcək. Bankdan «APA-Economics»ə verilən məlumata görə, bayram günlərində müştərilər «Western Union», «Bıstraya Poçta», «Coinstar», «Contact», «PrivatMoney», «Xpress Money», «Blizko», «Allur» və «Zolotaya Korona» sistemləri vasitəsilə pul göndərmək və almaq, plastik karta mədaxil etmək, kredit üzrə borc ödəmək, cari hesab üzrə əməliyyat aparmaq, valyuta mübadiləsi məntəqəsindən istifadə etmək, əmanət hesabı açmaq, mobil rabitə və kommunal ödənişlər aparmaq və digər xidmətlərdən faydalana bilərlər.

Qeyd edək ki, Bakı şəhəri, Neftçilər pr-ti,67 ünvanında yerləşən «Ofis24» həftənin bütün günləri 24 saat fasiləsiz müştərilərə xidmət göstərir.

Bankdan bildirilib ki, bununla yanaşı, 2011-ci il yanvar ayının 4-də «Bank Respublika»nın «Əhmədli» (Sarayevo küç.,18Q), «Neftçilər» (Q.Qarayev pr-ti,61C), «Masallı» (M.Talışxanov küç.,49), «Xaçmaz» (N.Nərimanov küç., 49), «Bərdə» (Nizami küç,102A), «Şəmkir» (20 Yanvar küç.,7) və «Gəncə» (Cavadxan küç.,39) filialları müştərilərə saat 10:00-dan 15:00-dək xidmət göstərəcək.

Qeyd edək ki, «Bank Respublika» ASC 1992-ci ildən fəaliyyət göstərir. Bankın nizamnamə kapitalında «25%+1 səhm» paketi Almaniyanın DEG İnvestisiya Şirkəti və «Sparkassen International Development Trust» şirkətinə məxsusdur. Cari ilin oktyabr ayının 1-nə bankın aktivlərinin həcmi 279,067 mln. manat, depozit portfeli 122,038 mln. manat, kredit portfeli 167,229 mln. manat, məcmu kapitalı 51,948 mln. manat, o cümlədən nizamnamə kapitalı 37,459 mln. manat təşkil edib. Bankın 33 filialı, 44 bankomatı və 259 POS-terminalı var.