Maliyyə

Ana səhifə

Maliyyə

«Unibank»ın mikrokreditlər üzrə portfeli son bir ildə 2,6 dəfə artıb

30 dekabr 2010 08:42 (UTC +04:00)

Bakı. Elnur Hüseynquluyev – APA-Economics. Azərbaycanın «Unibank» ASC-nin mikrokreditlər üzrə portfeli cari ilin dekabr ayının 1-nə 6,313 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 2,6 dəfə çoxdur.

Bankın baş ofisindən «APA-Economics»ə verilən məlumata görə, mikrokreditlər üzrə faiz dərəcələrinin azaldılması və müştərilər üçün şərtlərin yumşaldılması nəticəsində bu növ borcalmaların həcmi artıb.

Bankdan bildirilib ki, son bir ərzində bankın məcmu kredit portfeli 1,3% və yaxud 3,064 mln. manat artaraq 235 mln. manata çatıb. Bundan başqa, son bir ildə mikrokreditlər üzrə problemli sayılan borcalmaların həcmi 252 min manatdan 240 min manatadək azalıb, həmin kreditlərin məcmu mikrokreditlər portfelindəki payı isə 10,26%-dən 3,81%-dək dəfə azalıb.

Xatırladaq ki, «Unibank» ASC 1992-ci ildən fəaliyyət göstərir. Cari ilin oktyabr ayının 1-nə bankın aktivlərinin həcmi 358,884 mln. manat, depozit portfeli 150,169 mln. manat, kredit portfeli 231,295 mln. manat, məcmu kapitalı 64,652 mln. manat, o cümlədən nizamnamə kapitalı 41,592 mln. manat təşkil edib. Hazırda bankın 24 filialı, 63 bankomatı və 210 POS-terminalı və 123 min müştərisi mövcuddur.