Maliyyə

Ana səhifə

Maliyyə

Azərbaycanda manat pul kütləsi 33% artıb

30 dekabr 2010 10:22 (UTC +04:00)

Bakı. Vahab Rzayev – APA-Economics. Azərbaycanda geniş mənada pul kütləsinin (M3 aqreqatı) həcmi 2010-cu il dekabr ayının 1-nə 9 620,8 mln. manat təşkil edib ki, bu da ötən ilin müvafiq dövrü ilə müqayisədə 21,7% çoxdur.

Azərbaycan Mərkəzi Bankından «APA-Economics»ə verilən məlumata görə, yanvar-noyabr aylarında pul kütləsinin həcmi 13,6%, noyabr ayında isə 0,01% artıb. Qeyd edək ki, M3 aqreqatının strukturuna banklardan kənarda nağd pullar, tələb olunanadək və müddətli əmanət və depozitlər daxildir.

Pul kütləsinin M2 aqreqatı (manat pul kütləsi) son bir ildə 33% artaraq 2010-cu ilin dekabrın 1-nə 7 417,7 mln. manata çatıb:

(mln. AZN)

	01.12.2009	01.01.2010	01.12.2010
M0 (nağd pullar)	3 805,7	4 174,8	4 994,3
M1 (nağd pul, tələb olunanadək əmanət və depozitlər)	4 706,6	5 239,8	5 964,0
M2 (Nağd pul, tələb olunanadək və manatla müddətli əmanət və depozitlər)	5 575,6	6 169,2	7 417,7
M3 (nağd pul, tələb olunanadək və müddətli əmanət və depozitlər)	7 904,9	8 469,2	9 620,8

Cari ilin dekabrın 1-nə nağd pulun manat pul kütləsində (M2 aqreqatı) xüsusi çəkisi 67,3% təşkil edib ki, bu da ötən ilin müvafiq dövrünün göstəricisindən 1 faiz bəndi azdır.