Maliyyə

Ana səhifə

Maliyyə

«Finca-Azerbaijan» 100 mininci müştərisini avtombillə mükafatlandırıb - FOTO

«Finca-Azerbaijan» 100 mininci müştərisini avtombillə mükafatlandırıb - <font color=red>FOTO</font>

25 fevral 2011 13:38 (UTC +04:00)

«APA-Economics»in məlumatına görə, tədbirdə təşkilatın direktorun səlahiyyətlərini icra edən Maniş Sane (Manish Sane) qurumun 1998-ci ildən fəaliyyət göstərdiyini və həmin ildən kreditlərin verilməsinə başladığını bildirib: «1999-cu ildə təşkilatın müştərilərinin sayı 100 nəfər olub, 2004-cü ildə isə artıq müştərilərin sayı artaraq 10 min nəfərə çatdırılıb. Bu zaman «Finca-Azerbaijan»ın kredit portfeli 1 mln. ABŞ dolları həcmində olub. Artıq təşkilatın müştəri bazası genişlənərək 100 minə çatıb, müştərilərə ayrılmış kreditlərin həcmi isə 87 mln. dollar təşkil edir».

M.Sanenin sözlərinə görə, 2011-ci il ərzində təşkilatın əsas məqsədi müştərilərin sayını 20% artıraraq 120 minə, kredit portfelini isə təxminən 40% artıraraq 120 mln. dollara çatdırmaqdır: «Bundan başqa, il ərzində təşkilat filial şəbəkəsini də genişləndirmək niyyətindədir. Belə ki, cari ildə «Finca-Azerbaijan» tərəfindən Bakı, Yardımlı və Masallıda yardımçı ofislərin açılması nəzərdə tutulub».
Konfransda «Finca İnternational»ın vitse-prezidenti və Avrasiya üzrə regional direktoru Cef Flauves (Jeff Flowers) çıxışında bildirib ki, «Finca-Azerbaijan» yaradılarkən Azərbaycan hökuməti tərəfindən təşkilata böyük dəstək göstərilib: «Həmin vaxt yeni yaradılan kredit təşkilatına dövlət dəstəyi göstərilməsə idi, heç bir təşkilat geniş fəaliyyət göstərə bilməzdi. Eyni zamanda, xarici kapitalın Azərbaycana gətirilməsində BP və digər xarici şirkətlərin də böyük dəstəyi olub».
Tədbirdə Azərbaycan Mikromaliyyə Assosiasiyasının (AMA) icraçı direktoru Jalə Hacıyeva da çıxış edib. J.Hacıyeva son 6 il ərzində assosiasiyanın inkişafında «Finca-Azerbaijan»ın xüsusi rolu olduğunu bildirib: «AMA yaradılarkən təsisçilərdən biri də «Finca-Azerbaijan» təşkilatı olub. «Finca-Azerbaijan» Naxçıvanda nümayəndəliyi olan mikro-maliyyə təşkilatıdır. Hazırda qurumun 66-dan çox nümayəndəliyi mövcuddur və bu, olduqca geniş şəbəkədir».
Qeyd edək ki, tədbirin sonunda M.Sane tərəfindən təşkilatın 100 minici müştərisinə - Murad Cəlilova (Saatlı rayonu) yeni avtomobilin («VAZ-21 110) açarları təqdim olunub.
Təsisçisi ABŞ-ın «Finca İnternational» təşkilatı olan «Finca-Azerbaijan» qeyri-bank kredit təşkilatının 2011-ci ilin yanvarın 1-nə kredit portfelinin həcmi 84,147 mln. ABŞ dolları, nizamnamə kapitalı isə 5 min dollar təşkil edib. Təşkilat kreditləri həmrəy kredit qruplarına aylıq 2,5-3%, kənd kredit qruplarına 3,5%, fərdi kreditləri isə 2-3%-lə verir.