Maliyyə

Ana səhifə

Maliyyə

Bakıda çirkli pulların yuyulması və terrorizmin maliyyələşməsinə qarşı mübarizəyə nəzarət mövzusunda seminar keçirilib

01 mart 2011 08:04 (UTC +04:00)

Bakı. Nicat Mustafayev – APA-Economics. Azərbaycan Qiymətli Kağızlar üzrə Dövlət Komitəsində (QKDK) «Çirkli pulların yuyulması və terrorizmin maliyyələşməsinə qarşı mübarizəyə nəzarət: strukturlar və alətlər» mövzusunda təlim seminarı keçirilib.

Komitədən «APA-Economics»ə verilən məlumata görə, tədbir Beynəlxalq Valyuta Fondunun (BVF) Azərbaycanda həyata keçirdiyi «Çirkli pulların yuyulması və terrorizmin maliyyələşməsinə qarşı mübarizəyə nəzarət» layihəsi çərçivəsində QKDK-nın əməkdaşlarının bu sahədə potensialının gücləndirilməsi məqsədilə təşkil edilib.

Seminarda çirkli pulların yuyulması və terrorizmin maliyyələşməsinin inkişaf etmiş və inkişafda olan ölkələrin maliyyə sektorlarına və ümumlikdə, iqtisadi və siyası stabilliyə göstərə biləcək mənfi təsiredici faktorlar və bu istiqamətdə nəzarətin artırılmasına yönələn tədbirlər haqqında geniş məlumat verilib. Tədbirdə qiymətli kağızlar bazarının peşəkar iştirakçıları tərəfindən müştərilərə qarşı tətbiq edilən eyniləşdirmə əsasında qurulmuş nəzərət sistemlərinin standartlarına və nəzarət orqanları tərəfindən risk əsaslı nəzarətin həyata keçirilməsinə dair müzakirələr aparılıb.