Maliyyə

Ana səhifə

Maliyyə

CAREC Proqramının növbəti Nazirlər Konfransı Bakıda keçiriləcək

07 iyun 2011 13:12 (UTC +04:00)

«APA-Economics»in məlumatına görə, bunu Azərbaycan İqtisadi İnkişaf Nazirliyi Aparatının rəhbəri, CAREC Proqramının ölkə üzrə milli əlaqələndiricisi Samir Vəliyev bildirib.

Onun sözlərinə görə, icrasına 2001-ci ildə başlanılan CAREC Proqramının bu il 10 illik yubileyi qeyd olunur ki, proqram çərçivəsində bütün tədbirlərin Bakıda keçirilməsi qərara alınıb: «CAREC-in ən yüksək səviyyəli tədbiri Nazirlər Konfransıdır və proqram çərçivəsində bu tədbir noyabr ayında Bakıda keçiriləcək».

CAREC Proqramı çərçivəsində növbəti 10 illikdə görüləcək işlərdən danışan S.Vəliyev onu da bildirib ki, ticarət, nəqliyyat və energetika sahələri prioritet olaraq qalacaq və bu sahələrə ekologiya sahəsi də əlavə olunacaq.

Xatırladaq ki, CAREC Proqramı 2001-ci ildə AİB tərəfindən nəqliyyat, enerji, ticarət, gömrük və digər sahələrdə regional əməkdaşlığın dəstəklənməsi vasitəsilə üzv ölkələrdə iqtisadi artımın və həyat tərzinin yaxşılaşdırılmasının təmin edilməsi məqsədilə yaradılıb. Proqram çərçivəsində ticarət, nəqliyyat və enerji kimi prioritet sahələrə 15 mlrd. ABŞ dolları məbləğində investisiya yatırılıb ki, bu investisiyalar region ölkələrində infrastrukturun modernləşdirilməsinə və insanların həyat səviyyəsinin yaxşılaşdırılmasına yönəldilib.

Qeyd edək ki, CAREC üzrə VII Nazirlər Konfransı da 2008-ci ilin noyabr ayında Bakıda keçirilib.