Maliyyə

Ana səhifə

Maliyyə

«Moody’s»: Azərbaycan Beynəlxalq Bankının kapitalı kəskin artacaq

22 iyun 2011 12:04 (UTC +04:00)

Bakı. Vahab Rzayev – APA-Economics. «Moody’s» beynəlxalq reytinq agentliyi Azərbaycan Beynəlxalq Bankının (ABB) özəlləşdirilməsinin bankın reytinqinə müsbət təsir edəcəyini düşünür. «APA-Economics»in xəbər verdiyi kimi, bu barədə agentliyin məlumatında deiyilir.

Məlumatda bildirilir ki, bu proses müstəqil gücün, şəffaflğın artması, korporativ idarəetmənin yaxşılaşması və bankın kapitallaşmasının möhkəmlənməsinə səbəb olacaq. Həmçinin, özəlləşdirmə bank sektorunda rəqabətlik dinamikasının yaxşılaşması və bankların məcmu maliyyə göstəricilərinin möhkəmlənməsinə dəstək verəcək.

ABB-nin özəlləşdirilməsi prosesi çərçivəsində cəlb olunan məsləhətcilər özəlləşdirmənin şərtləri üzrə tövsiyələr hazırlayacaq, hüquqi və texniki dəstək göstərəcək, dövlətin bankın nizamnamə kapitalındakı iştirak payını qiymətləndirəcək və strateji investorların cəlb olunmasına yardım edəcək. Qeyd edək ki, keçiriləcək müvafiq tender nəticəsində məshələtçi kimi «PricewaterhouseCoopers Audit Azerbaijan», «Salans UK Ltd.» və «Rothschild & CIE» şirkətlərindən ibarət konsorsium seçilib.

Agentliyin məlumatında deyilir ki, özəlləşdirmə uzunmüddətli proses olacaq və onun 2011-ci ildə baş tutacağı gözlənilmir. Agenltiyin gözləntilərinə görə, səhmlərin emissiyası nəticəsində bankın kapitalı nəzərə çarpan dərəcədə artacaq.

Azərbaycanın ən iri bankı olan ABB ölkənin bank sektorunda üstün mövqeyə malikdir: yerli bank sisteminin aktivlərinin 42%-i, kreditlərin 43%-i, depozitlərin 36%-i və əmanətlərin 24%-i məhz ABB-nin payına düşür.

Qeyd edək ki, ABB-nin səhmlərinin 50,2%-i dövlətə, 49,8%-i isə özəl hüquqi və fiziki şəxlərə məxsusdur.