Maliyyə

Ana səhifə

Maliyyə

Azərbaycanın «ZQAN Holding» Şirkətlər Qrupunun rəhbərliyində dəyişiklik baş verib - YENİLƏNİB

Azərbaycanın «ZQAN Holding» Şirkətlər Qrupunun rəhbərliyində dəyişiklik baş verib - <font color=red>YENİLƏNİB</font>

08 sentyabr 2011 13:14 (UTC +04:00)

Bakı. Elnur Hüseynquluyev – APA-Economics. Azərbaycanın «Qarant Sığorta» şirkəti İdarə Heyətinin sədri Vaqif Həsənov «ZQAN Holding»in İdarə Heyətinin sədri təyin olunub.

«Qarant Sığorta» şirkətinin hüquqşünası Camal Həsənzadənin «APA-Economics»ə verdiyi məlumata görə, sığorta şirkətində V.Həsənovun yerinə əvvəllər şirkətin İdarə Heyətinin sədr müavini vəzifəsində çalışmış Fuad Allahverdiyev təyin edilib. F.Allahverdiyevin yeni vəzifəyə təyin olunması ilə bağlı artıq əmr də imzalanıb. Hazırda F.Allahverdiyev şirkətin İdarə Heyətinin sədrinin vəzifəsini müvəqqəti icra edən şəxs kimi fəaliyyət göstərir.

Qeyd edək ki, V.Həsənov 1977-ci ildə Bakıda anadan olub, iqtisadiyyat üzrə ali təhsil alıb, 2007-ci ildən «Qarant Sığorta»nın İdarə Heyətinin sədri vəzifəsini icra edib. «Qarant Sığorta» şirkətindən əvvəl V.Həsənov «AXA-MBASK» (əvvəlki «MBASK») şirkətində çalışıb.

Xatırladaq ki, təsisçisi «ZQAN Holding» Şirkətlər Qrupu olan «Qarant Sığorta» şirkəti 2007-ci ilin noyabr ayından fəaliyyət göstərir. Cari il sentyabrın 1-nə şirkətin nizamnamə kapitalı 4 mln. manat təşkil edib. Hazırda şirkət 18 könüllü və 4 icbari sığorta növü üzrə xidmət göstərir.

Bu dəyişikliklər «ZQAN Holding»in səhmdarlarının ümumi yığıncağında Şirkətlər Qrupunun yeni strukturunun təsdiqi və isahatların aparılmasına dair qərarın qəbulu ilə bağlıdır. Struktur dəyişikliklərinə əsasən, “ZQAN Holding”in Direktorlar Şurası yaradılıb və Şuraya holdinqin prezidenti Anar Məmmədov rəhbərlik edəcək. Direktorlar Şurasının üzvləri Xəyal Şərifzadə, Ruslan Məmmədov, Emil Ələsgərov və Seymur İsmayıl təyin olunublar.